यूके एडको आर्थिक सहयोगमा शिक्षकलाई ४ दिने तालिम

राधेश्याम कुशवाहा, सर्लाही । नयाँ विधिबाट पठनपाठन गराउने उदेश्यले सर्लाहीका २२ शिक्षकहरुलाई ४ दिने अभिमुखिकरण तालिम दिईएको छ ।

सर्लाहीको मंलगवा स्थित महेन्द्र होटेलको मिटिंग हलमा दुई स्थानिय तहका ११ वटा विद्यालयका शिक्षकहरुलाई उक्त तालिम दिईएको छ ।

यूके एडको आर्थिक सहयोग तथा भि.एस.ओ, एच. आई र प्रेरणाको साझेदारीमा किशोरी सशक्तिकरण कार्यक्रम अन्तर्गत मंलगवा नगरपालिका र कौडेना गाउँपालिकाको कक्षा १ देखि ३ सम्मका शिक्षकहरुलाई पढाई, संख्यात्मक सिप र अतिरिक्त क्रियाकलाप बारे तालिम दिईएको छ ।

स्थानिय उपलब्ध स्रोत साधनबाट विद्यालयमा बालमैत्री वातावरण निर्माण गरी बालबालिकालाई कसरी पठनपाठन गराउने जस्ता कुराहरु तालिमबाट सिकेको तालिममा सहभागि शिक्षक नौशाद मिकरानी ले बताउनुभयो । बालबालिकालाई आफनो घर सुरक्षित र विद्यालय जेल जस्तै लाग्ने गरेका हुन्छ, उहाँले भन्नुभयो ।

तालिममा प्राप्त सिपको प्रयोग गरेर विद्यालयमा बालबालिका सुहाउँदो रमाउने खालको वातावरण निर्माण गरी प्रभावकारी तरिकाले गुणस्तररिय शिक्षा प्रदान गर्न सकिन्छ । सामुदायिक विद्यालयबाट विद्यार्थी छाडने चलन एउटा विकराल समस्याको रुपमा रहेको छ ।

यसको प्रयोगले परम्परागत शिक्षण विधि विस्थापित हुनुको साथै विद्यार्थी नानिहरुलाई विद्यालयसम्म ल्याई लामो समय टिकाईराख्न समेत मद्वत मिल्ने बताउनुभयो ।

विद्यालयमा बालमैत्री वातावरण निर्माण गरी आधुनिक र वैज्ञानिक पद्वतिद्वारा बालबालबालिकाहरुलाई पठनपाठन गराउने, विद्यार्थीहरुका लागि विद्यालयमा शान्त र मनोरम वातावरण निमार्ण गरी बालबालिकाको उत्साहपूर्ण उल्लेखनिय उपस्थिति गराई र विद्यालयसम्म ल्याउन लोभलाग्दो र बालमैत्री वातावरण गरी निमार्ण गरी पठन पाठन गराउन शिक्षकहरुलाई तालिममा दिईएको छ ।

बालकेन्द्रित पठनसिप विकास गर्ने, रमाईलो बालमैत्री विधिहरुको प्रयोग गरी रमाईलो वातावरणमा शिक्षण सिकाई गर्ने उदेश्यले शिक्षकहरुलाई तालिम प्रदान गरिएको प्रेरणाको परियोजना संयोजक रामचन्द्र चौधरीले बताउनुभयो ।

सर्लाहीका २० स्थानिय निकायका गरिब, दलित तथा अति विपन्न समुदायका छात्राहरुमा विद्यालय छोडने चलन रहेको छ । बालबालिकालाई विद्यालयमा टिकाई बालकेन्द्रित पठन पाठन कसरी गराउन सकिन्छ, उनले भने ।

सानो नानिहरुलाई रमाई – रमाई अतिरिक्त क्रियाकलाप संचालन गर्दै उनिहरुलाई रमाईलो वातावरणमा कसरी पढन र पठाउन सकिन्छ भने त्यसको लागि यो तालिमको आयोजना गरिएको हो ।

यो ४ दिने अभिमुखिकरण तालिममा शिक्षक धेरै कुराहरु सिक्ने अवसरहरु पाउनु भएको छ । यो तालिम प्राप्त शिक्षकहरु अगामी दिनहरुमा परम्परागत विधिलाई विस्थापित गर्दै नयाँ विधिको प्रयोग गरेर उनिहरुको ईच्छा लाग्ने, मन पर्ने तरिकाले स्थानिय स्रोत साधनको प्रयोग गरेर कक्षा संचालन गरी अगाडी बढनु हुन्छ भने आशा र विश्वास लिएको बताउनुभयो ।

तालिम प्राप्त शिक्षकहरु प्रभावकारी शिक्षणका लागि विभिन्न अतिरिक्त क्रियाकलापहरुको सिप हासिल गर्न सक्षम र बालअधिकारको पक्षहरुबारे जानकारी पाई बाल मनोवैज्ञानिक तरिकाको शिक्षण गर्न सक्ने छन । संचार तथा संचार सिप बारे जानकारी हासिल गर्ने छन ।

एक असल शिक्षकहरुमा हुनुपर्ने व्यक्तिगत गुणहरु तथा भूमिका बारे जानकारी पाई स्वयम व्यवहार परिवर्तन गर्न, अनौपचारिक शिक्षाबाट भर्ना भएका विद्यार्थीहरुलाई नियमितता गर्न तथा शिक्षण विधिहरु बारे ज्ञान हासिल गरी प्रयोग गर्न सक्षम हुने आयोजकले जनाएको छ ।