बरकुर्वा माविबाट गणितको "प्रश्नप्रत्र आउट"
न्यूज ब्यूरो || जनकपुरधाम, १२ चैत्त । धनुषाको फकिरचन्द गामी जनता माध्यमिक विद्यालय बरकुर्वाबाट गणित विषयको प्रश्नपत्र बाहिरिएको छ । एईई परीक्षा २०७४ को आज तेस्रो दिन गणित विषयको परीक्षा भईरहेकोमा परीक्षा सुरु भएको केही बेरमै प्रश्नपत्र आउट भएको हो । परीक्षा सुरु भएको केही बेरमै भित्रबाट मोबाईल फोन म
२०७४ चैत १२ सोमबार, बिहान ९:३७ बजे१ मिनेट पढाइ
न्यूज ब्यूरो ||
जनकपुरधाम, १२ चैत्त । धनुषाको फकिरचन्द गामी जनता माध्यमिक विद्यालय बरकुर्वाबाट गणित विषयको प्रश्नपत्र बाहिरिएको छ ।
एईई परीक्षा २०७४ को आज तेस्रो दिन गणित विषयको परीक्षा भईरहेकोमा परीक्षा सुरु भएको केही बेरमै प्रश्नपत्र आउट भएको हो ।
परीक्षा सुरु भएको केही बेरमै भित्रबाट मोबाईल फोन मार्फत प्रश्नपत्रको फोटो तानेर बाहिर पठाएको हो ।
यता, प्रश्नपत्र आउट भएको बारेमा केन्द्राध्यक्ष बैजु साहले भने अस्विकार गरेका छन् ।
न्यूज ब्युरोसँग कुरा गर्दै केन्द्राध्यक्ष साहले सुरुदेखि नै सहायक शिक्षा अधिकारी मेहिलाल यादव केन्द्रमै बसेकोले प्रश्न पत्र आउट हुनै नसक्ने दाबी गरेका छन् ।
उनले भने, "केही पत्रकारहरु समेत आएकोले हामीलाई अनुमति नभएको कारण भित्र छिर्न नदिएपछि यसो झूठो कुरा भनेको होला, तर प्रश्न पत्र आउट भएको छैन ।"
यता, जिल्ला शिक्षा अधिकारी यम बहादुर खडकाले प्रश्नपत्र आउट भएको कुरा थाहा नभएको जनाउँदै भएको खण्डमा परीक्षा हल भित्र मोबाईल भेटाएको खण्डमा रेस्ट्रिकेट गर्ने जनाएका छन् ।
प्रश्नपत्र आउट नभएको केन्द्राध्यक्षले दाबी गरेपनि गणित विषयको प्रश्नपत्र परिक्षा चलिरहकै बेला फोटोमा उपलब्ध हुनुमा प्रश्नपत्र आउट भएको हो भनेर बुझन सकिन्छ ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…