धनुषा जिल्ला माछामा आत्मनिर्भर हुनुपर्छः अध्यक्ष साह

न्यूज ब्यूरो, जनकपुरधाम । लोसपाका केन्द्रीय सहकारी विभाग प्रमुख एवम् लोकतान्त्रिक समाजवादी पार्टीका नेता सँजय कुमार साहले अब धनुषा जिल्ला पनि माछामा आत्मनिर्भर हुनुपर्ने बताएका छन् ।

जिल्ला मत्स्य सहकारी संघ लिमिटेडको आठौं वार्षिक साधारण सभामा बोल्दै नेता साहले भारतको माछाले अझै यहाँको बजारलाई प्रभावित गरिरहेको बेला धनुषा जिल्ला माछामा आत्मनिर्भर हुनुपर्ने बताए ।

संघका अध्यक्ष संजय कुमार साहकै अध्यक्षता तथा राष्ट्रिय सहकारी संघको सञ्चालक समितिका सदस्य रामबाबु यादवको प्रमुख आतिथ्यमा सम्पन्न भएको ८ औँ साधारणसभाको क्रममा धनुषामा माछा उत्पादनको अपार सम्भावना हुँदा पनि यसको संरक्षण सम्बद्र्धन हुन नसक्दा लक्ष्य अनुसार उत्पादन हुन नसकेको बताएका छन् ।

उनले भने, ‘माछा उत्पादनका लागि माटो परीक्षण, माछाको दाना र माछा रोगको उपचारका लागि चिकित्सकको अभाव छ । तालिम गोष्ठीको अभावको कारण लक्ष्य अनुसार उत्पादन हुन सकिरहेको छैन ।’

जनकपुरधामको माछा नेपाल र बिहारको केही जिल्लामा प्रसिद्ध छ । तर उत्पादनतर्फ सम्बन्धित निकायको ध्यान गएको छैन यादवले भने, ‘यहाँ माछा जाँन हुँदाहुँदै पनि सो अनुरुप कार्य नभएको भनौं वा सहज रुपमा माछा उत्पादन उपकरणको अभाव रहेको छ ।’

कार्यक्रममा जनकपुर उद्योग वाणिज्य संघका कोषाध्यक्ष परमेश्वर साह, जसपा नेता बरुण यादव, विमला साह, माथुरा मण्डल, पत्रकार मिश्रीलाल मघुकर लगायतका व्यक्तिले आफ्ना विचार राखेका छन् ।

संघमा धनुषाका १५ वटा मत्स्य सहकारी संस्था आबद्ध रहेको छ ।