७ बर्षको प्रेम सम्बन्ध, अभिभावक नमानेपछि ५०० को स्टाम लगाएर गाउँलेको सामुन्ने बिहे

न्यूज ब्यूरो, जनकपुरधाम । भनिन्छ, प्रेम अन्धो हुन्छ । अब त अन्धो मात्र होईन बहिरो पनि हुन्छ । सोही क्रममा एक प्रेम जोडी गाउँलेको बीच ५ सय रुपैयाँको स्टाम्पमा बिहे गरेका छन् ।

छिमेकी मुलुक भारतको बिहार राज्य भागलपुरमा यस्तै एक प्रेमी तथा प्रेमिकाले बिहीबार अबेर साँझ विवाह गरेका हुन् ।

भागलपुर जिल्लाको सुल्तानगंज बाथ क्षेत्रको उनचागाँउ उत्तर टोलामा गाउँलेहरुको उपस्थितिमा उनीहरुले ५०० रुपैयाँको छाप लगाएर बाँकी जीवन सँगै बस्ने वचन दिएपछि प्रेमीले प्रेमिकाको साइनो (माँग) मा सिन्दुर हाले ।

मात्र ५० फिटको दुरीमा युवा युवतिको घर रहेको छ । उँचागाउँको उत्तर टोला गाविस निवासी अयोधी सिँहका २१ बर्षिय छोरा रुपम कुमार र र बासुकी साहकी २० वर्षीया छोरी सिमा कुमारी बिहीबार दिउँसो ३ः०० बजेतिर एक–अर्कासँग विवाह गर्न हतारमा रहेको गाउँलेहरूले बताए।

जब दुवैका नातेदार र गाउँलेहरूले जानकारी पाए। प्रेमी र प्रेमिकालाई मनाउन निकै प्रयास गरियो। तिनले तीन घण्टाको लागेको बताए ।

तर, तिनीहरू दुवैले त्यो स्वीकार्न इन्कार गरे । आफन्तहरुले दबाब दिन खोज्दा प्रेम जोडीले आफूहरु कहिल्यै अलग नहुने भनेपछि अभिभावकहरुले बिहे गराइदिएको हो ।

ती प्रेमी जोडीहरूले बिजुलीको तार समातेर जबरजस्ती गरेमा मर्ने धम्की दिए। प्रेमी र प्रेमिकाको जिद्द देखेर दुवै तर्फका आफन्तजन र परिवारजन चुपचाप बसेको थियो ।

अर्कोतिर मायालु केटाले ल्याएको रु. ५०० को स्ट्याम्प पेपरमा बाँकी जीवन एकअर्कालाई सहयोग गर्ने लिखित वचन ती दुईले दिएका थिए ।

गाउँलेहरूको उपस्थितिमा प्रेमीले आफ्नी प्रेमिकाको माग गरे। त्यसपछि प्रेमिका आफ्नो प्रेमीको घरमा गइन्। दुई घरबीचको दूरी लगभग ५० फिट मात्र छ।

प्रेमी र प्रेमिकाबीचको प्रेम सम्बन्ध सात वर्षदेखि चलिरहेको थियो । ती केटीले आफ्नो बिए भर्ना हुन छोडेकी थिइन्। केटो इन्टर पास हो। ती दुई जनाले १३ वर्षकी किशोरीदेखि नै सँगै अध्ययन गरे।

त्यति नै बेला ती दुई को नजिक भए । अन्ततः ती दुईले विवाह गर्ने आफ्नो निर्णयलाई पुष्टि गरे ।