इन्जिनीयर झाले बेचिदिए रेलको 'ईन्जिन स्क्रब', ग्यास कटरले काटिरहेको अवस्थामै पक्राउ

न्यूज ब्यूरो । अहिलेसम्म फिल्महरुमा ताजमहल, गँगा घाट वा अन्य सरकारी समानहरु बेचेको देखिएको थियो । तर, त्यो फिल्मी घटना पनि असलमा बदलिएको देखिएको छ ।

एक रेल इन्जिनीयरले रेलको ईन्जिन नै बेचिदिएको घटना बाहिर आएको छ । रेलवेमा काम गर्ने एक ईन्जिनीयरले रेलको पुरै ईन्जिन नै बेचिदिएको खुलासा भएको छ ।

यो घटना छिमेकी मुलुक भारतको बिहार राज्यको हो । बिहारको पूर्णिया कोर्ट स्टेशनका एक रेल इन्जिनीयरले पुरै इन्जिन बेचिदिएका छन् । यहाँसम्म की यो कुरा कुनै अधिकारीलाई पनि थाहा भएनन् ।

अधिकारीहरुलाई पनि जानकारी तब मात्र भयो जब ड्यूटीमा रहेकी एक महिला प्रहरी सँगीता कुमारीले यसको जाँच प्रताल सुरु गरिन् । उनको प्रतिवेदन अनुसार, आरपिएफका दरोगा एमएम रहमानको बयानपछि मंडलको बनमनको पोष्टमा आईतबार अबेर साँझ प्राथमिक सूचना दर्ज गरियो ।

समस्तीपुरका लोको डिजल शेडका ईन्जिनीयर राजीव रँजन झाले डिएमईको फर्जी कार्यालय आदेश देखाएर रेल्वे मंडलको पूर्णिया कोर्ट स्टेशन नजिक बर्षौदेखि यथावत राखिएको पुरानो वाष्प (वाफबाट चल्ने) ईन्जिन स्क्रैप माफियाहरुसँग बेचिदिएको हो ।

यो घटना बाहिर नजाओस भन्ने उदेश्यले डीजल शेड पोष्टमा कार्यरत एक दरोगाको मिलोमत्तोमा शेडको आवत रजिष्टरमा एक पिकअप भ्यान स्क्रैप भित्र प्रवेश पाउने सम्बन्धी एन्ट्री पनि गराइदिएको खुलेको छ ।

गडबडी तब भयो जब गत १४ डिसेम्बरको समस्तीपुर डीजल शेका इंजीनियर राजीव रंजन झा, हेल्पर सुशील यादवसँग पूर्णिया कोर्ट स्टेशन नजिक बर्षौदेखि स्टैण्ड गरिएको रेलको वाष्प इन्जिनलाई ग्यास कटरले काटिरहेको थियो ।

जब पूर्णिया आउट पोस्ट प्रभारी एमएम रहमान आरले रोके तब इन्जिनीयर झाले डीजल शेडको डीएमईको पत्र देखाउँदै आरपीएफलाई लिखित रूपमा स्क्रैप फिर्ता डीजल शेडमा लिएर जानुपर्ने देखाए ।

अर्को दिन प्रहरी सँगीताले स्क्रैप लोड पिकअपको प्रवेश ईन्ट्री रजिष्टरमा देखेपति स्क्रैप थिएनन् । सँगीताले यसको जानकारी आफ्नो उच्च अधिकारीलाई दिइन् ।

यता, डिएमईले यस चोरीको मामिलालाई लिएर आरपीएफको सोधपुछको क्रममा स्क्रैप ल्याउनको लागि कुनै आदेश जारी नभएको दाबी गरे । प्रहरी सँगीताको सूचनाछि ईन्जिनको स्क्रैपको खोजबिन सुरु भयो ।

मंडल सुरक्षा आयुक्त एके लालले भने, एमएम रहमानले डीजल शेडबाट जारी पत्रको बारेमा समेत जाँच सुरु गरेपछि डिएमईले यस्तो कुनै पत्र जारी नगरेको पाइयो । त्यस्तो कुनै पनि अधिकारिक पत्र कार्यालयबाट जारी नभएको बताइएको छ ।

दुईदिनसम्म खोज तलासपछि स्क्रैप लोड वाहनको बारेमा जानकारी भयो । यस मामिलाको लागि एफआईआर अर्थात प्राथमिकी रिपोर्ट दर्ज गरिएको स्थानीय प्रहरीले जनाएको छ ।

यस मामिलामा ईन्जिनीयर राजीव रँजन झा, हेल्पर सुशिल यादव सहित अन्य ७ जनालाई आरोपित बनाइएको छ । उता, डीआरएम आलोक अग्रवालको आदेशमा ईन्जिनीयर र हेल्परको बाहेक डीजल शेडमा ड्यूटीमा रहेको ईन्सपेक्टर (दारोगा) बीरेन्द्र द्धिवेदीलाई तत्काल निलम्बन गरिएको हो ।

घटना बाहिरिएपछि ईन्जिनीयर राजीव रँजन झालाई पक्राउ गर्न आरपिएफको टीमले लगातार छापामारी जारी राखेको छ । पुरै घटनाको छानबिन गहन रुपमा सुरु गरिदिएको छ भने दो शेडकर्मीलाई निलम्बन गरिएको छ ।