दहेज मागेपछि दुल्हालाई स्वयँम्बरमै रामधुलाई, भिडियो भाइरल

न्यूज ब्यूरो, जनकपुरधाम । विहेको कार्यक्रम भईरहँदा बेहुला (दुल्हा) पक्षले दजेज (दाईजो) को कुरा चलाएपछि दुल्हालाई विवाहमै कुटपिट गरिएको छ ।

छिमेकी मुलुक भारतको राजधानी दिल्लीसँगै रहेको गाजियावादको साहिबाबदमा गएराती एक दुल्हालाई रामधुलाई गरिएको छ । यो कुटपिटको भिडियो अहिले समाजिक सँजालमा भाइरल बनेको छ ।

विहे हुनुभन्दा ठीक अगाडी दुल्हालाई दुल्हिनको परिवारजनले रामधुलाई गरेको छ । दुल्हालाई कुटपिट गर्दा त्यहाँ रहेको अन्य जनाले सुरुमा स्तब्ध बनेपछि कारण थाहा पाएपछि ठिकै गरेको भनेर प्रतिक्रिया दिए ।

सो क्रममा दुल्हिनको घर परिवारले दुल्हालाई करिब ३ मिनेटसम्म कुटेको आरोप छ । दुल्हाको परिवारले उनलाई बचाउदै रहे तर दुल्हिनको परिवारजनले उनलाई घिसारेर कुटपिट गरिरहेको देखिएको छ ।

करिब डेढ मिनेटको भिडियोमा दुल्हिनको परिवारजनले दुल्हालाई तानेर कुटपिट गरिरहेको देखिएको छ । सोही भिडियोमा दुल्हाका आफन्तजनले उनलाई बचाउने पनि प्रयास गरिरहेको देखिएको छ ।

जानकारी अनुसार, बिहे हुनुभन्दा ठिक अगाडी दुल्हाका बुवाले १० लाख रुपैयाँ दहेजको रुपमा माग्ने शर्त राखे । उनले भने, यदी १० लाख रुपैयाँ तत्कालै दिएनन भने यो बिहे हुँदैन ।

यद्यपी, त्यसअघि नै दुल्हाको परिवारलाई दुल्हिनको परिवारजनले तीन लाख रुपैयाँ र एक लाख बराबरको हिराको औँठी समेत दिएको थियो । तर, यतिको मात्र दहेजले दुल्हाको परिवारजनलाई मन मानेनन् । दुल्हिन पक्षले धेरै बेर गुहार लगाए तर उनीहरुले मानेनन् ।

अनि त्यसपछि भयो दुल्हाको कुटाईको लाईभ शो । त्यो विवाहको कहानी त्यही समाप्त भएनन् । कुरा निकालेपछि दुल्हाको सबै पोलपट्टि खुल्यो । दुल्हिनको परिवारजनको अनुसार, दुल्हा पहिलेदेखि नै दुई तीन बिहे गरिसकेको रहेछन् ।

दुल्हिन पक्षले बेहुलाले दुई तीन बिहे गरेको बिहेको तस्विरहरु समेत त्यहाँ आएका अतिथिहरुलाई देखाए । दुल्हाको नाम मुज्जमिल हो र उनी आगराको स्थायी बासिन्दा रहेको बताइएको छ ।

तपाईको जानकारीको लागि विहे हलमा दुल्हालाई कुटपिटको यो मामिला होइनन । अन्य विभिन्न ठाउँमा दहेज माग्दा दुल्हाले कुटाई खानु परेको घटनाहरु सार्वजनिक भएको छ ।

केटी पक्षलाई झुठ बोलेर पहिलेदेखि नै विवाहित रहेका मुज्जमिल अर्को विवाह गर्न खोज्दा कुटपिट भएको हो । उनको कुटाईको भिडियो समाजिक सँजालमा भाइरल बनेको छ ।