किसानको लागि सहयात्री हो साना किसानः मन्त्री यादव

न्यूज ब्यूरो, जनकपुरधाम । प्रदेश नम्बर २ का भूमि व्यवस्था तथा कृषि सहकारी मन्त्री विजय कुमार यादवले साना किसान सहकारी सँस्था किसानहरुको लागि सहयात्री भएको बताएका छन् ।

शुक्रबार धनुषाको गोविन्दपुरस्थित साना किसान कृषि सहकारी सँस्थाको १६ औँ साधारणसभामा बोल्दै मन्त्री यादवले साना किसानको लागि मात्र नभएर किसान कृषकको जतिसुकै बेला सहयात्रीको रुपमा साना किसानले परिचय गराएको बताए ।

विपतमा परेका किसानलाई सहयोग गर्नको लागि सधैँ तत्पर रहने साना किसान सहकारी सँस्थामा जुट्नको लागि समेत किसानहरुलाई आग्रह गरे । उनले गाउँस्तरमा किसानको बस्ती सम्म पुगेर सेवा दिनु नै प्रशँसनीय रहेको बताए ।

साना किसान कृषि सहकारी संस्था लिमिटेड धनुषा गोविन्दपुर धनुषा हाल धनुषाधाम नगरपालिका २ मंगलपुरको १६ औं वार्षिक साधारण सभा विधिवत रुपमा सम्पन्न भएको छ ।

कार्यक्रमको अध्यक्षता संस्थाका अध्यक्ष फिरण यादव तथा प्रमुख अतिथि भुमी व्यवस्था तथा कृषि सहकारी मन्त्री बिजय यादव रहेका थिए ।

अध्यक्षता गर्दै यादवले समयमा किसानलाई बचत तथा कर्जाको कार्यमा संस्था अग्रता देखाउदै आएको बताए । १६औं वार्षिक साधारण सभाको आय व्यय समेत प्रस्तुत गरिएको थियो ।

सो कार्यक्रममा संस्थाका प्रवन्धक राजकुमार साहले संस्थाका गतिविधि लगायत विभिन्न विषयमा जानकारी गराए । साथै साधारण सभामा सहभागी भएर सफलता पुर्वक सम्पन्न गराएकोमा सबै प्रती धन्यवाद व्यक्त गरे ।

सो कार्यक्रममा रास्टृय सहकारि बैंकको केन्द्रिय संचालक सद्स्य तथा ध्रुब नारायण यादव ,साना किसान लघुबित वितिय संस्था संचालक सद्स्य रबिन्द्र यादव ,साना किसान कृषि सहकारी संस्था प्रदेश नं २ को अध्यक्ष रामकुमार महतो , जनता समाजवादी पार्टी नेपालको धनुषाधाम नगर अध्यक्ष बिनोद यादव साना किसान दिगम्बरपुरको प्रबन्धक चन्द्रप्रकाश सिंह लगायत स्थानीयहरु व्यापक उपस्तिथि रहेको थिए ।

कार्यक्रममा शेयर सद्स्यका बालबालिकाद्वारा सांस्कृतिक कार्यक्रम समेत गरिएको थियो ।