चिताबाट लास नियन्त्रणमा, ४ जना पक्राउ

न्यूज ब्यूरो ||
रौतहट, ७ चैत्त । रौतहट प्रहरीले एक महिलाको शवलाई मंगलवार चिताबाट नियन्त्रणमा लिएको छ ।

महिलाको हत्या गरिएको आशंकामा प्रहरीले लासलाई नियन्त्रणमा लिएर जलाउन गएका ४ जनालाई समेत पक्राउ गरेको छ ।

एका बिहानै महिलाको लासलाई खोलामा जलाउन पुगेका कटहरिया नगरपालिका ५ का भन्टु साह, राम बालक साह, राजदेवी नगरपालिका ३ का राजकिशोर साह र सुरेश साहलाई प्रहरीले पक्राउ गरेको हो ।

लासलाई चाँडै जलाउन दुई लिटर पेट्रोल र ४ किलो चिनी सहित आफन्तहरु नदीमा पुगेका थिए ।

लासमा आगो लगाउने तयारी गरिरहेको बेला पुगेका प्रहरीले उनीहरुलाई नियन्त्रणमा लिएर लाशलाई कब्जामा लिएका थिए ।

पति विजय साह सोनार र पत्नी राजकुमारी साहबीच झगडा सोमवार राती झगडा भएको थियो ।

झगडाको क्रममा श्रीमानले महिलालाई चरम यातना दिएको र घाँटी थिचेर हत्या गरेको स्थानीय बासिन्दाहरुले जनाए । आजको जनकपुर टुडेमा समाचार छ ।