जनकपुरका युवा डाक्टर दुबईमा जिते वेस्ट मोडेल अवार्ड

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामका एक युवा डाक्टर मोडलिँगमा वेस्ट मोडेलको अवार्ड जीत्न सफल भएका छन् ।

जनकपुरधाम उपमहानगरपालिका वडा नम्बर २ कदमचोक बस्ने विमल शाहको छोरा नविन शाहले युनाइटेड अरब ईमिरेट्सको दुबईमा आयोजित मोडेल फँक्सनमा वेस्ट मोडेलको अवार्ड जित्न सफल भएका छन् ।

पेशाले डाक्टर रहेका शाहले दुबईस्थित आयोजना गरिदिएको तीनदिने वल्ड फैशन फेस्टिवल अवार्डमा उनले वेस्ट मोडेलको अवार्ड हात पार्न सफल भएका हुन् ।

फैशन फेस्टिवल गत अक्टोबर महिनाको २८, २९ र ३० तारिख गरी तिनदिनसम्म भएको थियो । उनले सो अवार्ड जितेर अन्तराष्ट्रिय स्तरमा नेपालको नाम पनि उँचो पार्न सफल भएका छन् ।

जनकपुरका शाहका बुवा अवकाश प्राप्त कृषिका कर्मचारी हुन् भने उनका दुई बहिनीमध्ये एक डाक्टर र अर्की एमबिए हुन् ।

नविन शाहले अरब जस्तो देशमा वेस्ट मोडेलको अवार्ड जितेपछि देशप्रति गौरवान्ति भएको बताए । न्यूज ब्यूरोसँगको संक्षिप्त कुराकानीमा उनले देशलाई चिनाउनको लागि भएपनि डाक्टरीको साथै मोडलिँग पनि गरेको बताए ।

उनी भन्छन्,–“पेशाले डाक्टर हुँ, तर मोडलिँगमा मेरो शौख छ । दुबईमा मोडलिँग प्रतियोगिता भइरहेको भनेर विज्ञापन देखेपछि सहभागीता जनाएको थिए । त्यसमा वेस्ट मोडेलको अवार्ड अन्तराष्ट््िरय स्तरबाट प्राप्त गर्न सफल भए ।”

प्रदेश नम्बर २ को अस्थायी राजधानी जनकपुरधामबाट उनी दुबईमा बेस्ट मोडेलको अवार्ड जितेपछि उनलाई बधाईको पनि ओईरो लागेको छ । समाजिक सँजाल, फोन, एसएमएस मार्फत उनका आफन्तजन, साथीभाई सहित उनका शुभचिन्तकहरुले समेत बधाई दिएका छन् ।

उनले आफू नेपालको भएको भनेर गौरव भएको सुनाए । जनकपुर जस्तो क्षेत्रबाट विदेशमा आएर वेस्ट मोडेलको अवार्ड जितेपछि जनकपुरको पनि शान भएको बताए ।