सहकारी समाजको मेरुदण्ड बन्दै गएको छ : नेता साह

न्यूज ब्यूरो, जनकपुरधाम । लोकतान्त्रिक समाजवादी पार्टी (लोसपा) का सहकारी विभागका प्रमुख सँजय कुमार साहले सहकारी वर्तमान अवस्थामा समाजको मेरुदण्ड बन्दै गएको बताएका छन् ।

आईतबार जनकपुरस्थित सजिलो बचत तथा ऋण सहकारी संस्था लिमिटेको ८ औँ वार्षिकोत्सवमा बोल्दै नेता साहले सहकारीप्रतिको समाजको विश्वास र लगानीले उनीहरुकै आर्थिकोपार्जनलाई सुदृढ बनाउनमा मदत गरेको बताए ।

सँस्थाका अध्यक्ष एवम् युथ आइकॉन सहकारीकर्मी मनोज कुमार साहको अध्यक्षता तथा नेता साहको प्रमुख आतिथ्यमा सम्पन्न भएको ८ औँ वार्षिकोत्सवको क्रममा बोल्दै नेता साहले सहकारीले यस समाजलाई आर्थिक प्रगति तर्फ उन्मुख गरेको दाबी गरे ।

उनले सहकारीमा आम नागरिकको लगानी र बचत बढदै जाँदा यस समाजको अभिन्न अँगको रुपमा विकसित हुँदै गएको बताए । सहकारीले समेत आम नागरिकको धारणा र ईच्छालाई पूरा गर्न अगाडी बढनुपर्ने बताए ।

सो क्रममा रामहृदय यादव, विनिशा साह, शिव ठाकुर लगायतले आ आफ्नो मनतव्य राखेको थियो ।