धान काटेर घर भित्र्याउने बेलामा बर्षा, मधेशका किसानलाई गहिरो चोट

न्यूज ब्यूरो, जनकपुरधाम । कात्तिकको सुरुमा परेको पानीले देशव्यापी रूपमा धानबालीमा ठूलो क्षति पु¥याएको छ । सबैभन्दा बढी सुदूरपश्चिम र क्रमशः पूर्वमा क्षति पुगेको छ । तराई र पहाड सबैतिर पाकेको र काटेको धान खेतमै डुब्दा र केही ठाउँमा बगाउँदा किसान मारमा परेका छन् ।

देशको अन्न भण्डार भनिएको तराई मधेशका किसानलाई गहिरो चोट पुगेको छ । आईतबारदेखि नै भएको बर्षाका कारण धान काटेर घर भित्र्याउने लाग्दा भएको बर्षाका कारण काटिएको धान खेतमै डुबेको छ ।

धान काटेर पेलाउने तर्खरमा रहेका तराई मधेशका किसानहरुले बाली नभित्र्याउँदै आएको बेमौसमी बर्षाका कारण ठुलो क्षति बेहार्नु परेको किसान उपेन्द्र ठाकुर बताउँछन् । धान बाली काटेर खेतमै राखेको बेला अचानक आएको बर्षाका कारण धान भकारीसम्म जानेमा शँका व्यक्त गरे ।

अन्नको भण्डार तराई मधेशको धनुषा सहित अन्य विभिन्न जिल्लामा आएको अचानक बर्षाका कारण किसानहरुलाई ठुलो क्षति भएको हो । खेतमै धान कुहिने सम्भावना बढी देखिएको छ । अझै नकाटिएको धान पनि खेतमै रहँदा खेतमा जम्ने पानीले कठिनाई उत्पन्न हुने भएको छ ।

आइतबारदेखि लगातार वर्षा भइरहेको छ । कैलालीमा ५० प्रतिशत धान अझै खेतमा रहेको छ भने कञ्चनपुरमा ३० प्रतिशत काट्न बाँकी छ । कैलालीमा क्षतिको यकिन हुन नसकेको भए पनि कञ्चनपुरमा १० देखि १५ प्रतिशत धानमा क्षति पुगेको अनुमान छ ।

धान बाली काटेर खेतमै राखेको बेला अचानक आएको बर्षाका कारण धान भकारीसम्म जानेमा शँका व्यक्त गरे ।