गैर–आवासीय मधेशी संघ साउदीद्धारा सिरहाका महरालाई उद्धार

न्यूज ब्यूरो, सउदी । विदेशमा मधेशीहरुको छाता सँगठन गैर–आवासीय मधेशी सँघले प्रदेश नम्बर २ को सिरहाका एक पुरुषलाई उद्धार गरेको छ ।

बुधबार गैर आवासीय मधेशी संघ साउदी अरबियाको टीमले मधेशी युवा भागमनी महरालाई उद्धार गरेको हो । सिरहाको मिर्चैया नगरापलिका वडा नम्बर ४ बस्ने महरा रोज़गारीको सिलसिलामा साउदी गएको दिनदेखि नै विगत ९ महिनादेखि अलपत्र परेका थिए ।

वैदेशिक रोजागरीमा गएपछि कम्पनीमा काम नपाएर अलपत्र परेका महरालाई विशेष सूचनाको आधारमा उद्धार गरिएको हो । गैर आवासीय मधेशी संघ साउदी अरबियाको मीना कुबरी टीम ले उद्धार गरेको बताईएको छ ।

डा.सिके राउत नेतृत्वको जनमत पार्टीको विदेशी एवम् भातृ संगठनको रुपमा रहेको गैर आवासीय मधेशी सँघले महरालाई सबै खर्च तिरेर नेपाल फर्काएको हो । यसअघि पनि सँघले कैयौँ जनालाई आफ्नो खर्चमा नेपाल फर्काएको हो ।