१२ घण्टापछि मृत फेला परे 'साह' ,  हत्या गरि फालिएको आशंका

न्यूज ब्यूरो ||
धनुषा, ४ चैत्त । धनुषाको कमला नगरपालिकामा एक बालक मृत अवस्थामा फेला परेको छ ।

कमला नगरपालिका वडा नं. ८ बस्ने प्रमोद साहको ८ बर्षिय छोरा रमण साहको शव गाउँ नजिकै रहेको एक कुलोमा फेला परेको हो ।

शनिबार साँझदेखि हराईरहेका साह आज विहान ६ बजे स्थानीयहरुले कुलोमा मृत अवस्थामा देखेपछि प्रहरीलाई खवर गरेका थिए ।

शनिबार साँझ ६ बजेदेखि घरबाट बेपत्ता रहेका साहलाई आज आईतवार विहान मात्र स्थानीयहरुले कुलोमा देखेपछि प्रहरी बोलाएका हुन् ।

ईलाका प्रहरी कार्यालय चोराकयलपुरका अनुसार, मृत बालकको शरिरमा डाम, विभिन्न ठाउँमा केही घोँचेको, काटेको जस्तो देखिएको छ । शवलाई हामी जनकपुर अञ्चल अस्पताल पठाउने तयारी भइरहेको जनाउँदै पोष्टमार्टमपछि मात्र घटनाको रहस्य बाहिर आउने जनाइएको छ ।

मृतक बालकको शव पानीमा भेटिकएको हो, बालकको अनुहार माछाले खाइदिएको प्रहरीले जनाएको छ ।

घटनाको बारेमा प्रहरीले अनुसन्धान सुरु गरिसकेको जनाइएको छ ।