खाद्य तथा पोषण सुरक्षा सुधार आयोजनामा घोटाला, प्रमुख झा ले गरे कालोबजारी

न्यूज ब्यूरो, जनकपुरधाम । खाद्य तथा पोषण सुरक्षा सुधार आयोजनामा घोटाला भएको छ ।

पिपरा गाउँपालिकामा खाद्य तथा पोषण सुरक्षा सुधार आयोजना धनुषाका प्रमुख सुकेश्वर झाले घोटाला गरेको किसानहरुले आरोप लगाएका छन् । पिपरा गाउँपालिकामा संचालित आयोजनाले किसानलाई दिनुपर्ने उचित अनुदान नदिएको भन्दै किसानहरुले गुनासो गरेको छ ।

किसानलाई चाहिने अनुदानमा धनुषाका आयोजना प्रमुख सुकेश्वर झा लगायतका कर्मचारीहरुको मिलोमतोमा अनुदान समेत घोटाला गरेको किसानहरुले आरोप लगाएका छन् ।

आयोजना प्रमुख झाले अनुदानको नाममा बजार भन्दा बढि मुल्य लिएर बीउ दिने गरेको र बीउ बिजन समेत कुनै काम नलाग्ने सीता कृषक समूहका रामनरायण यादवकोे भनाइ छ ।

उनले हाम्रो समूहले अनुदानका लागी १५ प्रतिशत तिर्ने गरेको छौं सरकारले किसानलाई उन्नत जातको विउ विजन दिने भनिए पनि गुणस्तरीहिन दिन गरेको हो ।

किसानहरुको समूहले प्रमुख झाले आफै मनोमानी ढङ्गले किसानलाई चाहिने अनुदानमा कटौती गर्ने र कमिसनको आफनै मातहातका कर्मचारीहरु मार्फत समान वितरण गराउने गरेका छन् ।

व्यवसायी खेतीको लागी आएको अनुदानको रकम किसानकै खातामा ६ लाख हाल्नु पर्ने तर आयोजना प्रमुखको मिलोमतोमा उक्त रकम खातामा नराखि गुणस्तरीय हिन सामान वितरण गरेको किसानहरुले बताएका छन् ।

किसानको लागी आएको खाजामा समेत आयोजना प्रमुखले कमिसन खाने गरेको हो । यता किसानहरुले भने गाउँपालिकामा किसानका लागी राम्रो कि हाम्रो गर्नु हुन्छ भने आयोजना प्रमुखलाई प्रश्न समेत गरिएको थियो ।

गाउँपालिका अध्यक्ष विक्रम चौधरी र उपाध्यक्ष नन्नुदेवी दासको उपस्थितिमा किसानहरुले यो प्रश्न गरिएको थियो । उनीहरुले जुन कर्मचारी कमिसन दिने गरेको त्यलाई बढोत्तरी गर्ने र राम्रो काम गर्नेलाई हटाउनु कदापि स्वीकार गर्दिन ।

किसानहरुले भने हर समस्यामा परियोजनामा साथ दिने गरेको कर्मचारीलाई नै हटाउने किसानसंग अन्याय भइरहेको बताएका छन् । किसानहरुकै लागी आएको परियोजनामा किसानै खुशी हुदैन भने यो परियोजनाको कुन काम जस्ता आयोजना प्रमुखलाई प्रश्न गरेका थिए ।

किसानहरुको समस्यामा साथ दिने कर्मचारीलाई हटाए परियोजना बन्द संगै कार्यालयमा समेत तालाबन्दी गर्ने किसानहरुले चेतावनी दिएका छन् ।