धनुषामा टेम्पो दुर्घटना, एकको ज्यान गयो, ५ घाईते

न्यूज ब्यूरो ||
जनकपुरधाम, २ चैत्त । धनुषामा टेम्पो दुर्घटना हुँदा एक पुरुषको ज्यान गएको छ भने पाँच जना घाईते भएका छन् ।

धनुषाको धनुषाधाम नगरपालिका वडा नं. ३ स्थित ज १ ह ३४२१ नम्बरको टेम्पो तीव्र गतिका कारण अनियन्त्रीत भई दुर्घटना भएको हो ।

धनुषाधामको मोडीमा तीव्र गतिमा रहेको टेम्पो अनियन्त्री हुँदा धनुषाधाम नगरपालिका वडा नं. ३ बस्ने अन्दाजी बर्ष ४० का लटनारायण पासवानको मृत्यू भएको जिल्ला प्रहरी कार्यालय धनुषाले जनाएको छ ।

धनुषाधामको नयाँ बसपार्क भन्न स्थानमा भएको उक्त टेम्पो दुर्घटनामा गम्भिर घाईते भएका पासवानलाई उपचारको लागि विराटनगर लैजादै गर्दा बाटोमै मृत्यू भएको प्रहरीले जनाएको छ ।

सडकको बनाबट सहित चालकहरुको बढी पैसा कमाउने लोभका कारण तीव्र गतिमा सवारी चलाउने गर्दा धनुषामा सवारी दुर्घटना सहित मानवीय क्षति बढेको हो ।