पूर्वी धनुषामा मलको हाहाकार, पहुँचबाला सँग बोरैबोरा, किसानहरु खाली हात

न्यूज ब्यूरो, जनकपुरधाम । पूर्वी धनुषामा रसायनीक मलको हाहाकार भएपछि किसानहरु चिन्तित भएका छन् ।

नियमित वर्षा हुँदा धान फस्टाएको छ । तर, धानमा मल हाल्न नसक्दा धान फल्ने नफल्ने चिन्ताले किसानहरुलाई पिरोलेको छ । स्थानिय बजारमा पर्याप्त मल नपाउँदा धनुषाका किसानहरु खेतमा मल हाल्न पाएका छैनन् ।

पहुँच र पावरको भरमा सँस्थालाई स्थानीय तहले दिन मलमा समेत कालोबजारी गरी पहुँचबालाले बोरैबोरा मल लगेका छन भने गरिब किसानहरुले मल नै नपाएर चिन्तामा डुबेका छन् । कैयाँै कठ्ठामा लगाएको धानमा आवश्यकता अनुसार मल हाल्न सकेका छैनन् । समयमा निरन्तर राम्रो वर्षा हुँदा धान वाली राम्रो हुर्केको भएपनि मलको अभावमा धान कम फल्ने चिन्ताले सताएको छ ।

बजारमा मल छ । तर खेतमा पुग्ने मल पाउन सकेको छैन । भएको मल पनि चर्को मुल्यमा खरिद गर्नु पर्ने बाध्यता छ ।’ सिँगो धनुषा जिललाका किसानहरु मल पाउन नसक्दा चिन्तित छन् ।

यस क्षेत्रमा माग बढेपनि किसानको मांग वमोजिम मल उपलब्ध नभएको चौधरीले बताए । साउन यता १२ सय मेट्रिक टन युरिया, ५ सय मेट्रिक टन पोटास र डिएपी किसानहरुलाई जनकपुर शाखाले वितरण गरेको चौधरीले बताए । धनुषा र महोत्तरीमा २ सय डिलरमार्पmत किसानलाई मल वितरण भइरहेको उनले बताए । साल्ट ट्रेडिङ्ग र कृषि सामग्री कम्पनीले यस क्षेत्रका किसानका लागी मल विक्री वितरण गर्दै आएको छ ।

यस क्षेत्रका किसानको मलको समस्या सहज बनाउनको लागी वीरगंज कार्यालय र केन्द्रिय कार्यालयमा पटक पटक पत्राचार गरेपनि समस्या समाधान नभएको देखिएको छ ।