वीरगँज महानगपालिकामा अख्तियारको छापा, कर्मचारीमा भागाभाग

न्यूज ब्यूरो, वीरगँज । वीरगञ्ज महानगरपालिकामा अख्तियार दूरुपयोग अनुसन्धान आयोग हेटौंडाको टोलीले छापामारेको छ ।

अख्तियार दूरुपयोग अनुसन्धान आयोग हेटौंडाको टोलीले वीरगञ्ज महानगरपालिको राजस्व शाखा र महानगरको वडा नम्बर १४ मा छापामारेको हो ।

अख्तियार दूरुपयोग अनुसन्धान आयोग हेटौंडाको टोलीले वीरगञ्ज महानगरपालिकामा छापामारे पछि महानगरका राजस्व शाखाका कर्मचारी भागा भाग भएका थिए ।

सम्पत्ति कर र जग्गा करका बारेमा वीरगञ्ज महानगरपालिकाको राजस्व शाखा र महानगरको वडा नम्बर १४ मा बदमासी भएको आशंकामा छापा परेको अख्तिायारले जनाएको छ ।

निर्धारित मूल्य भन्दा निकै कम मूल्याँकन गरि सम्पत्ति वा जग्गा कर निर्धारण भएको र यसमा मिलिभगत भएको आशंकामा पहिला वडा नम्बर १४ र पछि नपाले त्यसमा कुनै बदमासि गरेको छ कि छैन भनेर छानबिन गर्न राजस्व शाखामा छानबिन गरिरहेका छौं भनि अनुन्धान अधिकृतले बतए ।

टोलीले अहिले कम्प्युुटरको अभिलेख रुजु गरिरहेको छ भने छानबिनमा दोषी फेला परेमा कसूर अनुसारको कानूनी कारवाही हुने गुरा अख्तियार टोली बताउँछ ।