मधेशी एशोसिएशन इन अमेरिकाको पिट्सवर्ग अध्यक्षमा धनुषाका साह सर्वसहमतिले चयन

न्यूज ब्यूरो, जनकपुरधाम । अमेरिकामा रहेका केही मधेशीहरुले चलाएको सँस्था मधेशी एशोसिएशन इन अमेरिका (MAA-मा) को पिट्सवर्ग शहरको च्याप्टर अध्यक्षमा धनुषाका राम साह चयन भएका छन् ।

धनुषाको शहिदनगर नगरपालिका वडा नम्बर ५ पचहर्वा बस्ने राम साहलाई सो च्याप्टरको लागि सर्व सहमतिले चयन गरिएको जनाइएको छ । मधेशीहरु आवद्ध सो सँस्था मार्फत विभिन्न समयमा मधेशीहरुको हकहितको लागि कदम चालेको बताइएको छ ।

भर्खरै सम्पन्न भएको विभिन्न राज्यको चुनावको क्रममा पिट्सवर्ग शहरको लागि रामसाहलाई पदाधिकारीहरुले सर्वसहमतिले चयन गरेको हो । उनलाई निर्विरोध नै चयन गरिएको जनाइएको छ ।

कोभिड १९ को बेला उनले अमेरिकाबाटै वडा नम्बर ५ वासीहरुलाई सहयोग गरेका थिए । उनले मधेशको विभिन्न ठाउँमा गरिब, निमुखा, विपन्नहरुलाई उनले सो समयमा राहत वितरण समेत गरेका थिए ।