दलित किशोरीलाई गोठमा बन्धक बनाएर राख्ने यादव बलात्कार मुद्दामा पूर्वक्षको लागि जेल चलान

न्यूज ब्यूरो, सर्लाही । सर्लाहीमा शरीरिक बन्धक, अपहरण र जबर्जस्ती कारणी मुद्दामा एक अभियूक्तलाई आज पुर्वपक्षको लागि ९जेलमा० कारागारमा चलान गरिएको छ । सर्लाही जिल्ला अदालतका जिल्ला न्यायधिश रमेश कान्त अधिकारीको ईजलाशबाट बिष्णु गाउँपालिका वार्ड न। ७ निवासी शिवा भनिने शिवकुमार यादवलाई करागार चलानको आदेश दिईएको छ ।

पिडित पक्षको वकिल उमेश साह गरेको थुनछेक बहसबाट आरोपित सिवालाई कारागारमा राख्ने आदेश दिएको नेपाल राष्ट्रिय दलित कल्याण समाज सर्लाहीका संयोजक राजेश पासवानले जानकारी दिए ।

सर्लाहीको विष्णु गाउँपालिका–७ दुल्वामा गैरदलितसँग प्रेममा परेर बिहेका लागि घरबाट भागी अलपत्र परेकी मुसहर समुदायको १८ वर्षीय दलित युवतीको प्रेमी फरार भएपछि अलपत्र परेको थियो ।

प्रेमी स्थानीय छिमेकी किसुनदेव रायको छोरा अन्दाजी २० वर्षीय शिवा भनिने शिवकुमार यादवसँग प्रेम सम्बन्ध रहेको युवतीसँग २० दिनसँगै बिताएर दलित केटीसँग बिहे गर्न सक्दैन भनी युवक फरार भएपछि युवकको आफन्तले पानी नचल्ने समुदायको केटी भएको कारण घरमा पस्न नदिई विगत १० दिनदेखि गाईगोठमा बन्धक बनाएर राख्दै आएको थियो ।

प्रेमी फरार भएपछि गोठालो घरमा विगत १० दिनदेखि बन्धक रहेको कुरा दलित अधिकारकर्मी थाहा पाएलगत्तै युवतीलाई उद्वार गरी सुरक्षित गृहमा ल्याएर राखेको थियो ।

विभिन्न संघसंस्था र अधिकारकर्मीहरुको सहयोगमा गएको ज्येष्ठ १७ गते मंगलवार पीडित युवतीले जातीय छुवाछूत, शरीरिक बन्धक र बलर्जस्ती करणी गरेको भन्दै युवकविरुद्व जिल्ला प्रहरी कार्यालय सर्लाहीमा जाहेरी दर्ता गराएकी थिईन ।