सिरहामा चटयाँङग (ठन्का) खस्दा घरसहित मोटरसाईकलसमेत ध्वस्त !

न्यूज ब्यूरो, सिरहा । प्रदेश नम्बर २ को सिरहा जिल्लास्थित गएराती घरमै चटयाँग (ठन्का) खस्दा घर जलेर ध्वस्त भएको छ ।

सिरहाको गोलबजार नगरपालिका वडा नम्बर १२ बेतौना टोलिस्थत स्थानीय भोला रायको घरमा गएराती करिब १ बजेको समयमा चटयाँग खसेको बताइएको छ । राती सबै जना सुतिरहेको अवस्थामा छेउको घरमा चटयाँग लागेको हो ।

रायको सो घरमा एक पल्सर मोटरसाईकल, ग्यास सिलिण्डर समेत ध्वस्त भएको छ भने करिब १५ लाख बराबरको समाग्री जलेर ध्वस्त भएको जानकारी दिएको हो । पीडितका अनुसार, स्टेण्ड गरी राखिएको निलो कलरको पल्सर मोटरसाईकल जलेर ध्वस्त भएको हो ।

प्रदेश २ १००२ प ५१०९ नम्बरको पल्सर मोटरसाईकल सोही चटयाँग लागेर ध्वस्त भएको बताइएको छ । छेउकै घरमा सुतिरहेको परिवारजनले सो घरमा कोही नभएको अवस्थामा चटयाँग लागेकोले कुनै मानवीय क्षति नभएको बताइएको छ ।

सम्पति जलेपछि रातीदेखि नै परिवारजनमा रुवाबासी चलेको छ । यस सन्दर्भमा इलाका प्रहरी कार्यालय गोलबजारसँग सम्पर्क गर्न खोज्दा नेटवर्कको समस्याले सम्पर्क भने हुन सकेनन् ।

चटयाँगबाट कसरी बच्ने ?

1. चट्याङ परेको बेला त्यहाँ वरीपरी खालि खुट्टा यानिकी जुत्ताचप्पल नलगाई जमिन मा टेकेको छ भने त्यस्ता व्यक्ति लाई चट्याङको करेन्ट वा झट्का लाग्न सक्छ र यो झट्का ले ज्यान समेत जान सक्ने सम्भावना हुन्छ । त्यसैले चट्याङ पर्दा हलो को फाली जस्तो बज्र खोज्न छोडी जुत्ता चप्पल लगाएर वा जमिन मा नटेकी बिजुली को तार आदि नभएको खुल्ला, सुख्खा ठाउमा, काठ को खाटमा वा वरीपरी कहिँ कतै चट्याङ पर्दा उक्त चट्याङ को करेन्ट ले नभेट्ने गरी वा करेन्ट सप्लाई नहुने गरी सुरक्षित स्थानमा बस्नु पर्दछ ।

2. चट्याङ पर्ने जस्तो भयो भने घर को सबै बिजुली को सुइच अफ गर्नु पर्दछ र कुनै पनि इलोक्ट्रोनिक समानहरु को ज्याक लाइन को प्लक मा जोडेको भए उक्त ज्याक निकाल्नु पर्दछ र विधुतीय उपकरण हरु लाइनको तारबाट अलग गराउनु पर्दछ ।

3. त्यसै गरी घर मा भएको बुजुली को बोर्ड मा भएको फयुज निकाल्ने गर्नु पर्दछ र मेन स्युइच पनि बन्द गर्नु पर्दछ यस्तो गर्दा काही कतै चट्याङ पर्दा त्यसको असर तपाइँ मा पर्दैन। घरमा Earthing system बनाउनु पर्दछ यस्तो गर्दा चट्याङ को करेन्ट सिधै जमिन मा जान्छ र चट्याङ डिस्चार्ज भै घर मा वा व्यक्ति मा यसको कुनै असर हुन् पाउदैन । (जनहितमा जारी सन्देश)