वीरगँज काण्ड - बलात्कारीले सजाय पाउँछ : कानुनमन्त्री यादव

न्यूज ब्यूरो ||
जनकपुरधाम, २४ फागुन ।
प्रदेश नं. २ का आन्तरिक मामिला तथा कानुनमन्त्री ज्ञानेन्द्र यादव बलात्कारीले सजाय पाउने आश्वासन दिएका छन् ।

तराई मधेस राष्ट्रिय परिषद् (टिएमएनसी) को पहलमा गएको एक टोलीले मन्त्री यादवलाई बीरगँजमा भएको १० बर्षीय बालिका बलात्कारको घटनालाई जानकारी गराएपछि पीडित बलात्कृत बालिकाले न्याय पाउने आश्वासन दिएको जनाइएको छ ।

काठमाडौँमा उपचार्रथ पर्सा जिल्ला पटेर्वा सुगौली वडा नं. ५ निचुटा गाउँको बलाकृत १० वर्षीय बालिकाको स्वास्थमा सुधार आएको छ ।

तराई मधेस राष्ट्रिय परिषद परिवारको आनन्द गुप्ताले निरन्तर हेरचाह गरि रहेका छन् ।

मन्त्रि यादव घटनाको भोली पल्ट नै उनी बिरगंज पुगेर अस्पतालमा भर्ना भएकी पिडित बालिकाको अवस्था बुझेको र छानबिनको लागि प्रशासनलाई कडा निर्देशन दिएको जनाइएको छ ।

धेरै जसो घटनामा पिडित माथि दवाब आउन गरेको कारण वा प्रशासनको ढिलासुस्तीको कारण पछि आरोपी फुत्किने गरेकोले यस घटनामा जसरी पनि बलात्कार आरोपीले सजाय पाउनु पर्ने परिषदको आग्रहमा मन्त्रि यादवले प्रदेश २ को जनताको सुरक्षा र सुशासन कायम गर्नु पहिलो प्राथिमिकता रहेको औंल्याए ।

पीडितसँग न्यायको लागि प्रतिवद्धता व्यक्त गर्दै कानुनमन्त्री यादवले दोषीलाई कारवाहीको दायरामा छिट्टै ल्याउने दाबी समेत गरे ।

यस घटनाका तीन जना आरोपी अहिले प्रहरी हिरासतमा रहेका छन् जस मध्ये एक जना बलात्कारमा संगलन नभए पनि उसले घटना देखको र सूचना लुकाएको हुनाले हिरासतमा परेका छन् ।

सुचना लुकाउनु पनि अपराध रहेको छ । सबै वास्तविक आरोपीले सजाय पाए भन्ने मन्त्रि ज्युले भनेको जस्तो पकै पनि जनता सुरक्षाको अनुभूति प्राप्त गर्नेछ र सुशासन कायम हुँदै गएको बुझिन्छ । परिषदका सदस्य सरोज राय यादवले न्यूज ब्यूरोसँग भने ।

उनले भने, हामी पीडित बालिकाको उपचार काठमान्डौंमा गराईरहेका छौँ, स्वास्थ्यमा पूर्णत सुधार आएको छ , सुरुवातमा मैले सहयोग स्वरुप १० हजार रुपैँया पठाउँदै छु । परिषदले पनि पीडितको सहयोगको लागि थप रकम र अन्य सहयोग गर्नेछ । अस्पतालबाट डिस्चार्ज भएलगत्तै पीडित बालिकाको बुवाको नाममा बैँक खाता खोलेर बालिकाको पढाई लेखाई सहित समाजमा सम्मानपूर्वक बाँच्नुपर्ने वातावरण मिलाउन लागि सकेका छौँ ।

दोषीलाई जसरी पनि कारवाहीको दायरामा ल्याउनको लागि परिषदले हरेक पहल थालिसकेको जनाउँदै उनले यसको लागि सबैले मिलेर एकजुट भई अगाडी बढनुपर्ने थपे ।