जानकी मन्दिरको वरिपरि १०० मिटर खाली गर्नैपर्छः युवा नेता यादव

न्यूज ब्यूरो, जनकपुरधाम । विश्व प्रसिद्ध जनकपुरको जानकी मन्दिरलाई विश्व सम्पदा सूचिमा सूचिकृत गराउनको लागि विभिन्न प्रयासहरु थालिएको छ ।

कैयौं वर्षदेखि सँघर्षरत जनकपुरवासीले जानकी मन्दिरलाई विश्वसम्पदा सूचिमा सूचिकृत गराउनको लागि विभिन्न अभियानहरु समेत गरेको थियो । बजेट भाषणको क्रममा सरकारको तर्फबाट जानकी मन्दिरलाई विश्वसम्पदा सूचिमा सूचिकृत गराउन प्रयास थालिने बताएको छ ।

सोही क्रममा जानकी मन्दिरलाई विश्व सम्पदाको सूचिमा सूचिकृत गराउनको लागि युवा नेता नविन यादवले विभिन्न समयमा विभिन्न प्रयासहरु थालेको जनाउँदै अब मन्दिरको वरिपरि खाली गराउनुपर्ने बताएका छन् ।

विश्व सम्पदा सूचिमा सूचिकृत गराउनको लागि चाहिने मापदण्ड अनुसार मन्दिरको चारै तर्फ १०० मिटर खाली गराउनुपर्ने धारणा उनले राखेका छन् । मन्दिरको वरिपरिको जग्गा खाली गराई मन्दिरको मापदण्डलाई अझ बजबूत बनाउनुपर्ने आवश्यकता रहेको उनले बताएका छन् ।

उनले जनकपुरधाम उपमहानगरपालिका र जनकपुरधाम उद्योग वाणिज्य सँघ लगायत अन्य सँघ सँस्थाहरुले विशेष र अथक प्रयासपछि सरकारले चासो लिएको बताउँदै अब मन्दिरको वरिपरी खाली गराउनुपर्ने बताए ।

मन्दिरको वरिपरी अतिक्रणहरु खाली गराउने अभियानमा लाग्ने बताउँदै उनले मन्दिर ट्रस्टीकरण नभएसम्म अभियान नरोकिने बताए ।