तपाईको नगरपालिका वा गाउँपालिकामा कति बजेट पर्यो ? हेर्नुहोस् ।

न्यूज ब्यूरो, जनकपुरधाम । सरकारले आर्थिक वर्ष २०७८÷७९ का लागि प्रदेश र पालिकाका लागि झन्डै चार खर्ब रुपैयाँ बजेट विनियोजन गरेको छ ।

सरकारले सात प्रदेशमा एक खर्ब तीन अर्ब ७० करोड रुपैयाँ र सात सय ५३ पालिकाका लागि दुई खर्ब ८३ अर्ब एक करोड रुपैयाँ विनियोजन गरेको हो ।

आउँदो आर्थिक वर्षका लागि तीन खर्ब ८६ अर्ब ७१ करोड ७२ लाख रुपैयाँ वित्तीय हस्तान्तरणका माध्यमबाट प्रदेश र पालिकामा जाने भएको हो ।

आउँदो आर्थिक वर्षका लागि सार्वजनिक भएको बजेटअनुसार गाउँपालिकामा एक खर्ब ३९ अर्ब १९ करोड, नगरपालिकामा एक खर्ब २३ अर्ब ९६ करोड, उपमहानगरपालिकामा नौ अर्ब ७६ करोड र महानगरपालिकामा १० अर्ब नौ करोड रुपैयाँ हस्तान्तरण हुने भएको छ ।

यस्तै प्रदेशतर्फ प्रदेश १ मा सबैभन्दा धेरै १६ अर्ब २९ करोड ३६ लाख रुपैयाँ विनियोजन भएको छ । प्रदेश २ मा १४ अर्ब ९० करोड ३४ लाख, वाग्मती प्रदेशमा १४ अर्ब ७२ करोड, गण्डकी प्रदेशमा १३ अर्ब, लुम्बिनी प्रदेशमा १५ अर्ब ६१ करोड, कर्णाली प्रदेशमा १५ अर्ब ५५ करोड र सुदूरपश्चिम प्रदेशमा १४ अर्ब ५८ करोड रुपैयाँ विनियोजन गरिएको छ ।

सो अन्तर्गत प्रदेश नम्बर २ को धनुषा जिल्लामा कुल ६ अर्ब ४ करोड ६९ लाख रुपैयाँ बजेट दिएको छ । जस अनुसार जनकपुरधाम उपमहानगरपालिकालाई ९० करोड ८० लाख रुपैयाँ बजेट दिएको हो ।

शनिबार भएको बजेट भाषणको क्रममा धनुषाको शहिदनगर नगरपालिकामा ३५ करोड ३६ लाख रुपैयाँ, क्षीरेश्वरनाथ नगरपालिकालाई ३१ करोड २४ लाख, गणेशमान चारनाथ नगरपालिकालाई ३० करोड ८१ लाख, धनुषाधाम नगरपालिकालाई ३६ करोड २३ लाख, नगराईन नगरपालिकालाई ३० करोड २६ लाख, मिथिला नगरपालिकालाई ४० करोड ३६ लाख रुपैयाँ बजेट दिएको हो ।

यस्तै, विदेह नगरपालिकालाई ३१ करोड ९७ लाख रुपैयाँ, सबैला नगरपालिकालाई ३७ करोड २५ लाख, कमला नगरपालिकालाई २८ करोड ७८ लाख, मिथिला बिहारीलाई २७ करोड ८७ लाख र हँसपुर नगरपालिकालाई ३२ करोड ७० लाख रुपैयाँ बजेट दिएको हो ।

धनुषा जिल्लामा जनकपुरधाम उपमहानगरपालिका बाहेक नगरपालिकामध्ये सबभन्दा बढी बजेट मिथिला नगरपालिकालाई दिएको छ भने सबभन्दा कम बजेट मिथिला बिहारी नगरपालिकालाई दिएको हो ।

प्रदेश नम्बर २ को अन्य जिल्लाहरुको बजेट तालिका तल दिएको छ । कुल बजेट हेर्नको लागि सबभन्दा अन्तिममा दिएको रकम लाखले गुणा गर्नुपर्ने हुन्छ । रकम लाखमा भएकोले प्रथम दुई अँक करोड हुने छ भने दशमलवपछिको दुई अँक लाख हुनेछ ।

सबै प्रदेश र स्थानीय तहहरुको बजेटसिट डाउनलोड गरी हेर्न सक्नुहुन्छः
budget in province and local 2078-079.pdf