५३ लाख ८० हजार रुपैयाँ सहित दुई युवक पक्राउ 

२०७८ जेठ १४ शुक्रबार
दिउसो ४:३५ बजे
न्यूज ब्यूरो, डेस्क

न्यूज ब्यूरो, बारा । प्रदेश २ को बारा जिल्लास्थितबाट प्रहरीले दुई युवकलाई ५३ लाख ८० हजार रुपैयाँ सहित पक्राउ गरेको छ । 

सूचना परिचालन र प्रहरी कारवाहीको सिलसिलामा बारा जिल्लाको प्रसौनी गाउँपालिका वडा नम्बर ६ घर स्थायी बस्ने तथा हाल वीरगँज महानगरपालिका वडा नम्बर ८ बिपिसी क्याम्पस छेउमा डेरा गरी बस्ने वर्ष २६ को शिव आनन्द गुप्ता र वर्ष १९ को प्रकाश जैसवाललाई पक्राउ गरिएको हो । 

अवैध वित्तीय कारोवार (हुण्डी) गरिरहेको भन्ने सूचना प्राप्त भएबमोजिम जिल्ला प्रहरी कार्यालय पर्साबाट खटिएको प्रहरी टोलीले प्रकाश जैसवालले कालो झोला बोकी हिँडिरहेको अवस्थामा नियन्त्रणमा लिई उनले बोकेको झोला जाँच गर्दा झोलाभित्र नेपाली २४ लाख रुपैयाँ फेला परेको थियो । 

साथै गुप्ताको डेरामा प्रहरीले रीतपूर्वक खानतलासी गर्दा अन्य दुई वटा कालो ब्याग भित्र लुकाइ छिपाई राखिएको २९ लाख ८० हजार थप फेला परेको बताइएको छ । 

कुल गरी ५३ लाख ८० हजार रुपैयाँ बरामद गरी दुबै जनालाई नियन्त्रणमा लिई जिल्ला प्रहरी कार्यालय पर्सामा ल्याई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको जनाइएको छ । 

  • 0%
  • 50%
  • 50%
  • 0%
  • 0%
  • 0%

अश्लिल गीतको नतिजाः भोजपुरी गायक खेसारीलाल उपर मुद्दा दायर 

  • २०७८ जेठ १४ शुक्रबार

न्यूज ब्यूरो, भारत । अश्लिल गीत गाएर चर्चामा आएका भारतको बिहार राज्यका गायक खेसारीलाल यादव विरुद्ध मुद्दा दायर गरिएको छ ।  भोजपुरी फिल्मको सुपर स्टार रहेका खेसारीलालमाथि अश्लिल गीत मार्फत महिलालाई

पूरा पढ्नुहोस्

Bureau Menus