वडाअध्यक्षको घरबाटै सरकारी मोटरसाईकल चोरी

न्यूज ब्यूरो, सर्लाही । कोरोना महामारीका कारण आक्रान्त बनेका सर्लाहीमा चोरी तथा अपराधिक क्रियाकलाप समेत मौलाउदै गएपछि आम नागरिक थप मारमा परेका छन ।

कोरोना भाईरसबाट त्रसित भएका आम नागरिकहरुको मौकाको फाईदा उठाउदै स्थानिय स्तरमा चोरीको एक गिरोह नै सक्रिय भएका छन ।

सर्लाहीको धनकौल गाउँपालिकामा एक वडाअध्यक्षको घरबाटै सरकारी मोटरसाईकल चोरी भएको प्रहरीले जनाएको छ । गएको बुधवार राति धनकौल गाउँपालिका वार्ड न। ४ को वडाअध्यक्ष भोगेन्द्र राय यादव उर्फ चुनचुन राय यादवको ना.१ ब. ३९०७ नम्बरको मोटरसाईकल घरबाटै चोरी भएको छ ।

राति पल्लो घरको बरण्डामा गाडी लगाएर हामी सुत्न आयौ, भोली बर्षा भएकाले गाडीको बारेमा ध्यान गएन, बिहान करिब १ बजेतिर गाडी लगाएको घरमा आफन्तले कुनै समान लिन जादाँ गाडी नभएपछि गाडी चोरी भएको हामीले थाहा पाए, वडाअध्यक्ष यादवले भने ।

वडाअध्यक्षकै घरबाट गाडी चोरी हुनु दुर्भाग्य रहेको बताउदै प्रहरीले आम नागरिकहरुलाई शान्ति र सुरक्षाको प्रत्याभूति दिलाउन असफल भएको जिकिर समेत गरे ।

समयमै गाडी बरामद गरी चोरीमा संलग्न जुनसुकै कानुनको दायराभित्र ल्याई कडा कर्वाहीको माग गरेको वडाअध्यक्ष यादव ले बताए ।

यता चोरी भएको थाहा पाउने बित्तिकै हामीले जिल्ला र नजिकको प्रहरी चौकीमा जानकारी गराई खोजि कार्यलाई तिब्र पारेको धनकौल ईलाका प्रहरी कार्यलय सर्लाहीले जनाएको छ ।