नेपाली काँग्रेसका क्षेत्रीय सदस्य यादवलाई पार्टीको झण्डा ओढाएर अन्त्येष्टि

न्यूज ब्यूरो, जनकपुरधाम । नेपाली काँग्रेसका क्षेत्रिय सदस्य एवम् नेता श्रीकृष्ण यादवलाई पार्टीको झण्डा ओढाएर सम्मानसहित अन्त्येष्टि गरिएको छ ।

धनुषाको निर्वाचन क्षेत्र नम्बर १ का क्षेत्रीय सदस्य यादवको गत आईतबार साँझ उपचारको क्रममा मृत्यू भएको थियो । उनको सोमबार बिहान पार्टीको झण्डा ओढाएर सम्मान सहित अन्त्येष्टि गरिएको हो ।

धनुषाधाम नगरपालिकाका नगर प्रमुख बालेश्वर मण्डल, उपमेयर विद्या देवी भूजेल, वडा नम्बर ५ का वडाध्यक्ष ईन्द्र कुमार महतो लगायत नेपाली काँग्रेसका नेताहरु पार्टीको झण्डा ओढाएर सम्मान गरेका थिए ।

नेता यादव क्षेत्र नं.१ सहित वडा नम्बर ५ का सक्रिय सदस्य थिए । यादव न्यूज ब्यूरोका कार्यकारी सम्पादक बिनय कुमार यादवको पिता थिए ।