जनकपुरको सँकटमोचन मन्दिरका पूजारीको मृत्यू

न्यूज ब्यूरो, जनकपुरधाम । जनकपुरधामस्थितको धार्मिक आस्थामा चर्चित सँकटमोचन मन्दिरका पूजारी (महन्त) को विहिबार मृत्यू भएको छ ।

जनकपुरधाम उपमहानगरपालिका वडा नम्बर ९ स्थित बाह्रविघाको पश्चिमपट्टि रहेको संकटमोचन मन्दिरका पूजारी ५२ वर्षीय महेश दास बैष्णवको बिहीबार साँझ उच्च रक्तचापका कारण मस्तिष्कमा सिभिडी भएपछि मृत्यू भएको हो ।

बल्डप्रेसर अचानक बढेपछि पूजारी दासलाई बिहीबार दिउँसो ३ बजे मन्दिरको छेउमै रहेको काव्या अस्पतालमा भर्ना गरिएको थियो । अस्पताल भर्ना गरिएको समयमा उनी बोल्न सक्ने अवस्थामा समेत थिएनन् ।

उनको बल्डप्रेसर लेभल १६०–११० देखिएपछि साँझ ६ बजे आईसीयूमा राखेर उपचार जारी राखेपनि बचाउन नसकिएको अस्पतालले जनाएको छ ।

बल्डप्रेसर अचानक बढेपछि पूजारी दासलाई बिहीबार दिउँसो ३ बजे मन्दिरको छेउमै रहेको काव्या अस्पतालमा भर्ना गरिएको थियो ।

उनको उपचारको क्रममा साँझ मृत्यू भएको अस्पतालले जनाएको छ । उनी विगत लामो समयदेखि संकटमोचन मन्दिरको पूजारी थिए ।