राष्ट्रिय वाणिज्य बैंक लहानको चरम लापरवाही, प्रशासनको आदेशलाई धज्जिया

न्यूज ब्यूरो, सिरहा । सिरहा जिल्लाको लहानस्थित राष्ट्रिय वाणिज्य बैंक लहान शाखामा बिना कुनै सावधानी र सुरक्षा मापदण्डको अधिक भीड लगाएर कार्य सँचालन गरिएको देखिएको छ ।

कोरोनाको महामारीले आम नागरिकमा त्राहिमाम मच्चेको बेला बैँकको शाखाले बिना कुनै स्वास्थ्यको प्रोटोकोल अपनाएर सेवा दिरहेको देखिएको छ । कोरोना महामारीमा सिरहा समेत अछुतो नरहेको अवस्थामा यस्तो लापारवाहीले कोरोनाको चेनलाई अझै बढाउने सँकेत देखिएको छ ।

स्थानीय प्रशासन सहित केन्द्र सरकारले समेत लकडान समेत गरी बैँकिँग क्षेत्रमा स्वास्थ्यको पूरा मापदण्ड अपनाएर सेवा प्रदान गर्न भनिएपनि दर्जनौको सँख्यामा भीड लगाउने गरेको छ । स्वास्थ्य समाग्री बिना नै बैँकमा भीड लागेपछि बैँकका कर्मचारी समेत कोरोनाको खतरामा देखिएको छ ।

सेवाग्राहीहरुले बाध्यतावंश मास्क लगाएपनि, सेनिटाईजर सहित अन्य स्वास्थ्यको कुनै मापदण्ड बिना नै बैँकमा दर्जनौ सेवाग्राहीको प्रवेशले कोरोनाको खतर झनै बढेको स्थानीय एक पसलले बताए । उनका अनसार, आफूहरुलाई दिनमा केही जना पसलमा आउने भएपनि पसल बन्द गराएर राखेपनि बैँकमा सयौं जनाको बिना मास्कको प्रवेशले चिन्ता बढेको छ ।

बैँकमा न समाजिक दुरीको परवाह छ न त मास्क वा सेनिटाइजरको । कोरोना सँक्रमण समुदायस्तरमा फैलिसकेको अवस्थामा पनि राष्ट्रिय बाणिज्य बैँकको लहान शाखाको यस्तो लापरवाहीप्रति स्थानीय प्रशासनको भने ध्यान गएको छैनन् ।