बाघसँग युवकको आधा घण्टा लडाई, बाघलाई मारेर आफैं अस्पताल भर्ना !

न्यूज ब्यूरो, बाँके । लुम्बनी प्रदेशको बर्दिया जिल्लास्थित एक युवक जँगली बाघसँग आधा घण्टा लडेर बाँचेका छन् । उनले बाघलाई भने मारिदिएका छन् ।

बर्दिया जिल्लाको गुलरिया नगरपालिका वडा नम्बर १० पयाकपुर स्थित आज दिउँसो जँगली बाघ र स्थानीय एक युवकबीच आधा घण्टासम्म भएको लडाईमा युवकले बाघलाई बन्चरो हानेर मारिदिएका छन् भने आफै सख्त घाईते भएका छन् ।

स्थानीय ईन्द्रीस बेहना नामक युवकले आफ्नो मकै बारीमा मकै रेखदेख गर्न गएको बेला बाघले आक्रमण गरेका थिए । बाघले आक्रमण गरेपछि उनीसँगै रहेको बँचरोले हानेर बाघलाई मारेका हुन् ।

बाघ आक्रमण गरेपछि उनी भाग्न खोजेका थिए भने बाघले उनलाई झम्प्टेर मार्न खोज्दा आफ्नो ज्यान बचाउने प्रयासमा बाघलाई मारिएको बताइएको छ । बाघ भने कमै उमेरको देखिएको छ ।

बाघसँग करिब आधा घण्टा भएको घम्साघम्सीको क्रममा इद्रीस बेहना गम्भिर घाईते भएका छन् । उनलाई स्थानीय स्तरमा उपचारपछि थप उपचारको लागि नेपालगँज रिफर गरिएको जनमत पार्टीका उपाध्यक्ष अब्दुल खानले जानकारी दिए ।

मारिएको बाघलाई वन कार्यालयलाई जिम्मा लगाउने तयारी गरिएको हो भने घाईते इद्रीसको शरिरको विभिन्न भागमा बाघले लुछेर घाईते बनादिएका हुन् ।