जनकपुरः गाडी दुर्घटना हुँदा ४ घाईते, एकको अवस्था गम्भिर !

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधाम–ढल्केवर सडकखण्डमा सवारी दुर्घटना हुँदा ४ जना घाईते भएका छन् ।

जनकपुरधाम–ढल्केवर सडक खण्ड अन्तर्गत रमदैया स्थित तीव्र गतिका कारण सवारी पल्टिदाँ दुर्घटना भएको जिल्ला प्रहरी कार्यालय धनुषाले जनाएको छ ।

धनुषाको क्षीरेश्वरनाथ नगरपालिका वडा नम्बर ३ रमदैया भवाडीस्थित ना १ ज ६३८५ नम्बरको चारपाँग्रे सवारी (विङ्गर) अनियन्त्रित भएर पल्टिएको प्रहरीले जनाएको छ ।

सो दुर्घटनामा परी लब कुमार सिंह ,मनिसा कुमारी गुहार,चान्दनी कुमारि रहेका छन भने चलाक सन्तोस कुमार यादव गम्भीर घाइते भएका छ्न ।

दुर्घटनामा परेको विङ्गर जनकपुरधामबाट ढल्केवर तर्फ जाँदै थियो । घाइते भएका मध्ये एकको अवस्था गम्भिर रहेको छ भने अन्य ३ जना सामान्य घाइते भएको धनुषा प्रहरीले जनाएको छ ।

सडक छेउमा पल्टिएको गाडीलाई केही बेर अगाडी प्रहरीले जेसिबी लिएर सुल्टो पारेका छन् । गाडीमा ठुलै क्षति भएको प्रहरीले जनाएको छ ।