प्रदेश २ः हावाहुरी र बर्षाबाट बालीनाली नष्ट, प्रदेश सरकारलाई सहयोग गर्न किसानहरुको माग

न्यूज ब्यूरो, वीरगँज । शुक्रबारको राती आएको अबिरलबर्षा र हवाहुरी बाट गेहु बाली र मसुरो दलहनमा क्षति पुरयाएपछि पर्सा जिल्लाका किसानहरु मारमा परेका छन् ।

किसानहरुले आफ्नो खेतमा लगाएको गहुँबाली ,दलहनको रुपमा मसुरो र तेलहन लगायत अन्य बालीहरुमा व्यापाक क्षति भएको देखिएको छ ।

अबिरल वर्षा चर्को हवाहुरीले एक रातमा बालीनाली नष्ट पारेको किसानहरुले दुःखेसो पोखेका छन् । किसान हरुले आफ्नो खेत बारीमा हजारौ खर्च गरेर गेहुबाली ,दलहन,तेलहन बाली लगाएको र अब कटानको अन्तिम चरणमा रहेकोमा एक रातीमा पर्सामा करोडो को छति भएको लंगडीका किसान लालबाबु पटेलले जनाएका छन।

खेतमा जादा खेतमा लगाईएको गेहुबालीको अवस्था हेरेर गेहु सुतेको अवस्थामा देखेर हृदय रुन लागेको छ– एक किसानले भने ।

गेहुबाली खेतमा नै ढलेकोले गेहुबाली अब अपेक्षा गरिएको बमोजिम दाना नपाउने हरिहरपुरका किसान मुनीलाल ठाकुरले बताए । गेहुबाली र मसुरोरोलाई हवाहुरी बाट खेतमा नै ढालेर सुताएकोमा अब खेतमै कुहिने डरत्रास रहेको किसान ठाकुरले जनाएका छन।

यस्ता, बिपतिको समयमा किसानहरुको समस्या बुझिदिने र किसानहरुलाई क्षतिपुर्तीको बारेमा समस्या उठाईदिन किसानहरुले आग्रह समेत गरेका छन।