• २०७५ भदौ ६ गते, बुधबार
०१:०९ pm

कर्जन्हामा मोटरसाइकल दुर्घटना, बच्चाको नाक फाट्यो, आमाको टाउको फुट्यो 

न्यूज ब्यूरो |

सिरहा, २० साउन । सिरहामा दुईवटा मोटरसाइकल एकापसमा ठोक्किदा दुईजना घाइते भएका छन् । पूर्व–पश्चिम राजमार्ग अन्तर्गत् सिरहाको कर्जन्हा नगरपालिका–१० मनहर्बास्थित आइतबार अपरान्ह साढे ४ बजे दुईवटा मोटरसाइकल एकापसमा ठोक्किदा एक महिलासहित एक बालक घाइते भएका हुन् ।

 

पूर्वबाट पश्चिमतर्फ जाँदै गरेको ज ६ प ५८०३ र विपरीत दिशाबाट आउदै गरेको स ९ प ८०९५ नम्बरको मोटरसाइकल एकापसमा ठोक्किदा दुर्घटना भएको हो ।

घाइते हुनेमा ज ६ प ५८०३ नम्बरको मोटरसाइकलमा सबार धनुषाको सहिदनगर नगरपालिका–२ की ३० वर्षीया सुजिता यादव र उनका २ वर्षीय छोरा विभाष यादव रहेका छन् । सो मोटरसाइकल सुजिताकी देवर सहिदनगर–२ बस्ने ३० वर्षीय श्रवण यादव चलाइरहेका थिए ।

 

ठक्करबाट बालकको नाक फाटेको छ भने आमा सुजिताको टाउको फुटेको छ । घाइते दुबैको मिर्चैयास्थित मंगलम हस्पिटलमा उपचार भइरहेको छ ।  

 

यता, दुबै मोटरसाइकल ईलाका प्रहरी कार्यालय मिर्चैयाको नियन्त्रणमा रहेको ईप्रका मिर्चैयाका डिएसपी दिपेन्द्र शाहले जानकारी दिनुभयो । स ९ प ८०९५ नम्बरको मोटरसाइकलका चालक फरार रहेको डिएसपी शाहले बताए । 

resized image

विनय यादव, सिरहा

सिरहा, ब्यूरो प्रमुख

प्रदेश नं. २, सिरहा - नेपाल

विनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +9779869067694 | binay.yadav.5064@gmail.com |

प्रतिकृया दिनुहोस