युवतिलाई आफ्नै श्रीमानले गरे विभत्स हत्या, जलाउन लाग्दा लास खोसियो

न्यूज ब्यूरो, जनकपुरधाम । धनुषाको नगराईन नगरपालिका वडा नं. ५ खिरखिरियास्थित हजुरबा (नाना) घर रहेको एक युवतिको भारतमा विभत्स हत्या गरिएको छ ।

नगराईन नगरपालिका वडा नम्बर ५ खिरखिरिया बस्ने रञ्जु साहकी बहिनीकी छोरीलाई विभत्स हत्या गरिएको जनाइएको छ ।

भारतको बिहार राज्य हरिने हरलाखी माईत रहेकी अन्दाजी २५ बर्षिय पूजा साहको उनको श्रीमानले विभत्स हत्या गरी जलाउन लाग्दा लास खोसिएको हो । हरिने हरलाखी वडा नं. ६ बस्ने विनोद साहकी छोरी पूजालाई श्रीमानले नै बेँगलोरमा बोलाएर हत्या गरेको आरोप परिवारजनको छ ।

विहारको हरलाखी पँचायतको फूलहर बस्ने बुधेश्वर साहको छोरा धनवीर साहले आफ्नै श्रीमतिलाई बोलाएर विभत्स हत्या गरेको खुलेको छ । बेँगलोर बस्दै आएका धनवीरलाई अर्कै केटीसँग अवैद्य सम्बन्ध रहेको थाहा पूजाले पाएकी थिइन् । तर, पूजाले श्रीमानको कर्तुत लुकाउन माइत पक्षलाई समेत भनेकी थिइनन् ।

बेँगलोरमा वेटरको काम गर्दै आएका धनवीरको अवैद्य सम्बन्धबारे बीच बीचमा झै झगडा हुँदै आएको थियो । यसपाली माईतबाट बेँगलोर गएकी पूजा मृत्यूको सैयामै आईन् ।

३ छोराछोरी भएकी पूजा श्रीमान कहाँ गएकी थिइन् । श्रीमानले उनलाई हत्या गरी माइत पक्षलाई अस्पतालमा भर्ना भएको भनेर झुठा कुरा सुनाए । माईत पक्षबाट आफन्तहरु जाँदा उनलाई गर्भपतनको औषधी खाएर मरेको भन्यो । केही बेरमा क्यान्सर भएर मरेकी भनेर परिवारजनलाई भन्यो । दुई फरक कुरा भनेपछि माईत पक्षलाई शंका लाग्यो ।

लास जलाउन लागेको अवस्थामा उनकी आमाले छोरीलाई अन्तिम पटक हेर्न मन लागेको भन्दै हेर्न जाँदा उनलाई हेर्न दिएन् । धेरै झै झगडा गरेपछि बलपूर्वक उनकी आमाले अनुहार हेर्दा टाउको फुटेको, अनुहार फुटेको, नाकबाट रगत आएको, घाँटी रेटेको अवस्थामा देखेपछि प्रहरीलाई खवर गरेको थियो ।

लासको प्रकृति हेर्दा उनलाई विभत्स तवरले हत्या गरेको देखिएको बताईएको छ । लासलाई नियन्त्रणमा लिएर बिहार पुलिसले श्रीमान धनवीर र उनका परिवारमाथि एफआईआर दर्ज गरेको पीडित पक्षले जनाएको छ ।