• २०७५ माघ ९ गते, बुधबार
०८:३१ am

धनुषामा ११ दिवसीय फुटबल टुर्नामेन्ट सुरु, पहिलो खेलमा बफै टिम विजयी 


जनकपुरधाम, २३ पुस । आईतबारदेखी पूर्वी धनुषाको विदेह नगरपालिकामा ११ दिवसीय फुटबल टुर्नामेन्ट सुरु भएको छ । 


धनुषाको विदेह नगरपालिका वडा नंं. ७ तिनकौरियामा राष्टूपति रनिङ्ग शिल्ड प्रतियोगिता आईतवारदेखि शुरु भएको छ । ११ दिवसीय सो खेलमा धनुषा भरिका १२ वटा टीम सहभागीता जनाएका छन् । खेलकुदप्रति युवाहरुको उत्सुकता तथा नगका खेलाडीहरुको माग अनुसार ११ दिवसीय फुटबल टुर्नामेन्टको आयोजना गरिएको जनाइएको छ । 


आईतबारदेखि सुरु भएको उक्त टुर्नामेन्टको प्रथम खेलको लागि विदेह नगरपालिकाका प्रशासकीय अधिकृत संदीप साहले फुटबलमा हान्दै हानेर खेलको शुभारम्भ गरे । फुटबल खेलको उद्घाटन सत्रमा स्थानीय युवाहरु, बुद्धिजीवि, नागरिक समाज तथा राजनीतिक दलका प्रतिनिधिहरुको सहभागिता रहेको थियो ।


टुर्नामेन्ट अन्तर्गत पहिलो दिन भएको घरेलु तिनकौरिया टीम र बफै टीमबीच प्रतिस्पर्धा भएको छ । तिनकौरिया बी टिमका रन्जित पण्डितले खेलको ५ मिनेटमा पहिलो गोल हानेको थियो भने बफैका टीमले मध्यान्तरपछि खेलको सरोज शर्माले गोल हानेको  निर्धारित समयमा दुबै टिमले बराबर गोल हानेको थियो ।


ट्राइब्रेकरमा बफै ५ गोल र तिनकौरिया बि टिमले ४ गोल हानेका थिए । उक्त खेलमा बफै ५- ४ गोलान्तरले बिजयी भएको हो । आईतबार सम्पन्न भएको खेलको म्यान अफ दि म्याच सरोज शर्मालाई घोषित गरिएको हो ।


फुटबल टुर्नामेन्ट खेलमा प्रथम हुनेलाई पाँच हजार नगद, प्रमाण पत्र तथा शिल्ड, दोस्रो हुनेलाई तीन हजार नगद, प्रमाणपत्र तथा शिल्ड प्रदान गरिने आयोजक पक्षले जनाएका छन् ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस