-(1).png)
न्यूज ब्यूरो, जनकपुरधाम । बिहार विधानसभा चुनावका ताजा रुझानले राजनीतिक विश्लेषकहरूलाई समेत चकित बनाएका छन्। सबै पारम्परिक समीकरणहरूलाई उल्ट्याउँदै राष्ट्रिय लोकतान्त्रिक गठबन्धन (एनडीए) 243 सदस्यीय सदनमा करिब 191 सिटमा अग्रता लिंदै स्पष्ट बहुमततर्फ उन्मुख देखिएको छ। तेजस्वी यादवको नेतृत्वमा चुनावमा उत्रिएको महागठबन्धनका रोजगार तथा विकाससम्बन्धी ठूला एजेण्डाहरूले अपेक्षित प्रभाव नदेखाएपछि विपक्षी खेमामा निराशा फैलिएको छ।
यसपटक जनता दल–युनाइटेड (JDU) ले 101 सिटमा उम्मेदवार उतारेको थियो र हालसम्म 76 सिटमा अग्रता कायम राखेको छ। 2020 मा 43 सिटमा सिमित भएको JDU का लागि यो परिणाम उल्लेखनीय सुधारका रूपमा हेर्न सकिन्छ।
भारतीय जनता पार्टी (BJP) ले पनि 101 सिटमा प्रतिस्पर्धा गर्दै 84 सिटमा अगाडि देखिन्छ। विगत चुनावमा 74 सिट जितेको BJP का लागि पनि यो मजबुत उपलब्धि मानिन्छ।
.png)
एनडीएमा रहेका अन्य दलहरूको प्रदर्शन पनि सन्तोषजनक छ।
2020 मा केवल 1 सिट जितेको LJP (R) को यो प्रदर्शन राजनीतिक पुनरुत्थानको संकेतको रूपमा हेरिएको छ।
महागठबन्धनमा हलचल
तेजस्वी यादवलाई मुख्यमन्त्रीको दावेदार बनाउँदै यादव–मुस्लिम–मल्लाह समीकरणलाई उपयोग गर्न खोजिएको महागठबन्धनको रणनीति रुझानमा कमजोर देखिएको छ। यद्यपि, महागठबन्धनभित्र आरजेडी सबैभन्दा ठूलो दलको रूपमा अगाडि देखिएकोले तेजस्वी यादवलाई मतदाताले पुरै नकारेको चित्र भने उभिएको छैन।
हालसम्म प्राप्त रुझानले एनडीए पुनःसत्ता कब्जा गर्ने बाटोमा मजबुत रूपमा अघि बढिरहेको स्पष्ट संकेत दिएका छन्। यससँगै महागठबन्धनले आगामी दिनमा आफ्नो रणनीति पुनरावलोकन गर्ने गम्भीर चुनौतीको सामना गर्नु पर्ने देखिन्छ।
जनकपुरका समाजसेवी राजीव झाः जसले कपडा बैँक मार्फत सेवा, संवेदना र संकल्पको परिचय दिए
- २०८२ कार्तिक २९ शुक्रबार
न्यूज ब्यूरो, जनकपुरधाम । समाजसेवाको नाममा भाषण धेरै हुन्छन्, तर काम थोरैले मात्र गर्छन्। तीमध्ये एक हुन्—राजीव झा। जनकपुरधाममा क्लोथ बैंक सञ्चालन गरेर उनले हालसम्म १० हजारभन्दा बढी गरिब, असहाय,
पूरा पढ्नुहोस्
