• २०७५ भदौ ६ गते, बुधबार
०१:१० pm

धनुषामा गोली हानी एक युवकको हत्या  !


न्यूज ब्यूरो |
जनकपुरधाम, १८ साउन ।
पूर्वी धनुषामा गोली हानी एक युवकको हत्या गरिएको छ । 

 

धनुषाको जनकनन्दनी गाउँपालिका वडा नं. १ ईनरुवा टोल रेल्वे स्टेशन हल्ट नजिकै आज विहान करिब १ बजेको समयमा एक युवकलाई गोली हानी हत्या गरिएको हो । 

 

हत्या हुनेमा कमला नगरपालिका वडा नं. ८ सोनापारा बस्ने बर्ष २५ का राजेश यादव रहेको ईलाका प्रहरी कार्यालय खजुरीका ईन्चार्ज एवम् प्रहरी नीरिक्षक शेशराज थन्दारले न्यूज ब्यूरोलाई जानकारी दिए । 

 

यादवलाई अज्ञात समूहले राती नै गोली हानी हत्या गरेको जनाइएको छ । घटनास्थलबाट ज ५ प ६३२१ नम्बरको मोटरसाईकल बरामद भएको छ भने एक पेस्तोल सहित ३ राउण्ड गोलीको खोका समेत बरामद गरेको हो । 

 

घटना राती नै भएपनि स्थानीयहरुले पौने ७ बजे विहान मात्र जानकारी गराएपछि प्रहरीको टोली घटनास्थल पुगेर अनुसन्धान थालेको बताइएको छ । घटनास्थल  खजुरी ईलाका प्रहरी चौकी देखि केही किलोमिटरको दुरीमा मात्र रहेको छ । 

resized image

न्युज ब्युरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ | मुख्य कार्यालय : प्रदेश नं. २, जनकपुरधाम- २, कदमचोक |फोन नं. +97741-420085 | ईमेल ठेगाना - Trinews45@gmail.com

प्रतिकृया दिनुहोस