कुलदिप दास |
जनकपुरधाम, २ जेठ । वीरेन्द्र मल्टि भिजन मूभिज प्रा।लिको ब्यानरमा निर्माण हुन लागेको मैथिली फिल्म नशिवक खेलको जनकपुरधाममा शुभमुहुर्त गरिएको छ ।
बुधबार कार्यालयमै पुजापाठ गरी एक समारोहका बीच वरिष्ठ पत्रकार एवं स्वतन्त्रता सेनानी राजेश्वर नेपालीले फिल्मको शुभमुहुर्त गरेका छन् ।
वीरेन्द्र कबीरपंथीले निर्देशन गर्न लागेको फिल्ममा दाईजो,छुवाछुत,गरीबि र शोषन विरुद्ध अभियान चलाइने बताईएको छ ।
चलचित्रले भाषा र संस्कृतिलाई उजागर गर्ने विश्वास लिएको समेत निर्देशक कबीरपंथीले बताए ।
उनले भने–“भाषा र संस्कृति बचाउ,आफ्नो राष्ट्रलाई स्वर्ग बनाउ” भन्ने मुल उद्देश्यका साथ हामी यो चलचित्र निर्माण गर्न गईरहेका छौं । यसले पक्कैपनि समाजमा सकारात्मक संदेश दिने दाबी समेत गरे ।
कार्यक्रममा कलाकार कमल मण्डल,लेखक रमेश मैथिल,प्राध्यापक भोला यादव,शिव कुमार यादव,श्रवण कुमार अधिकारी,डा.आशा सिन्हा लगायतकाले चलचित्रको सफलताका लागि शुभकामना व्यक्त गरेका थिए ।
निर्देशक कबीरपंथीले यसअघि दर्जनौं सफल फिल्म र सांगीतिक भिडियोहरु निर्देशन गरिसकेका छन ।
- २०७५ जेठ २ बुधबार
..jpeg)
