राजदेवीमा खोइच भराई, आज साँझदेखि बोकाबली हुने

न्यूज ब्यूरो, जनकपुरधाम । जनकपुरको प्रसिद्ध शक्तिपीठ राजदेवी मन्दिरमा खोईच भराई बिहानैदेखि सुरु भएको छ ।

महिलाहरुले गरेको भाकल अनुसार, राजदेवीमा खोईच भराई कार्यक्रम विहानैदेखि सुरु भएको हो । महिलाहरुले विभिन्न श्रृँगारका वस्तुहरु लिएर आस्था अनुसार भाकल पुरा भएपछि खोइच भर्ने परम्परा छ ।

यस्तै, आज महाकालरात्री (अष्टमींं) तिथि परेपछि राजदेवीमा बोकाबली पनि आजैदेखि हुने भएको छ । बेलुकी ८ बजेदेखि बोकाबली सुरु हुने आयोजक महावीर युवा कमिटिका अध्यक्ष मिन्टु साहले जानकारी दिए ।

बोकाबलीको लागि ४ वटा ठेहा व्यवस्थापन गरिएको आयोजकले जनाएको छ ।