धनुषाबाट लाखौंको अबैद्य मल बरामद, छुटाउन 'लोकल नेता' हरुको फोन

न्यूज ब्यूरो, जनकपुरधाम । बिना बिल भर्पाइकै लाखौं मूल्य बराबरको रसायनिक मल धनुषा प्रहरीले नियन्त्रणमा लिएको छ ।

धनुषाको धनुषाधाम नगरपालिका वडा नं. ३ धनुषाधाम बजार स्थित दुई वटा पिकअपमा लैजाँदै गरेको अवस्थामा चेकजाँचको क्रममा बरामद भएको ईलाका प्रहरी कार्यालय धनुषाधामका प्रहरी नीरिक्षक राम कुमार यादवले जानकारी दिए । उनका अनुसार, डयुटिमा रहेको प्रहरी टोलीले विहिबार दिउँसो १२ बजे र एउटा अपरान्ह ४ बजेको समयमा धनुषाधाम नगरपालिका वडा नं. ७ किसानपुर लैजाँदै गरेको अवस्थामा नियन्त्रणमा लिएको हो ।

खोला किनारमा भेटियो २० बोरा नक्कली पोटास, एक पक्राउ - समाचार प्रभाव

प्रहरीका अनुसार दुवै पिकअपमा १ सय १० बोरा रसायनिक मल राखिएको थियो । पिकअपमा अत्यधिक भार देखेपछि चेकजाँचको लागि पिकअप रोक्न लगाएको थियो । केही बेरपछि लगत्तै चालकलाई त्यहाँबाट गाडी भगाउन फोन आएपछि प्रहरीलाई शंका लागेपछि तत्कालै गाडी नियन्त्रणमा लिएको हो । एउटामा ५० बोरा र अर्कोमा ६० बोरा गरी कुल १ सय १० बोरा मल बरामद गरिएको हो । ज ४ च ८३८७ र ज १ च १६१६ नम्बरको पिकअपमा मल बराम गरिएको हो । अहिले मल सहित पिकअप समेत प्रहरीको नियन्त्रणमा रहेको छ ।

मिसाबट गरेको भन्दै १२ लाख ५१ हजार जरिवाना, ४८ लाखको तमसुक

भारतबाट अवैद्य रुपमा ल्याउँदै गरेको करिब २ लाख ७५ हजार मूल्य बराबरको मल बरामद गरिएको हो । भारतबाट ल्याएको उक्त मूल्य बराबरको मलको कुनै प्रकारको बील भपाई अथवा भन्सार नरहेको प्रहरी नीरिक्षक यादवले जनाए । उनका अनुसार, बरामद गरिएको मल खाद्य प्रहरी नियन्त्रणमा राखिएको छ र कानुनी प्रावधान अनुसार कारवाहीको लागि सम्बन्धित निकायमा पत्राचार गर्ने बताए ।

यता, उक्त मल खाद्य धनुषाधाम नगरपालिका वडा नं. ५ बस्ने स्थानीय व्यापारी सुरेश साहको रहेको बुझिएको छ । वडा नं. ५ को नौसय विघा उत्तरबारी टोलमा रसायनिक मलको व्यापार गर्दै आएका स्थानीय व्यापारी एवम् कृषि सहकारी सँस्था समेत सँचालन गर्दै आएका साहकै रहेको प्रारम्भिक अनुसन्धानबाट खुलेको हो । गत वर्ष मात्र धनुषाधाम नगरपालिका वडा नं. ७ किसानपुर स्थित रहेको अशोक जेनेरल स्टोर्सबाट २० बोरा नक्कली पोटास मल बरामद भएको थियो ।

अशोक जेनेरल स्टोर्सका सँचालक सँतोष साहले पोटास मलमा बालुवा मिसाबट गरी गरिब किसानहरुलाई बेच्दै आएपछि एक किसानले रहस्य खोलेका थिए । साहलाई पक्राउ गरी नासो सम्बन्धी मुद्दा ईलाका प्रहरी कार्यालय ढल्ेकवरबाट चलाइएको थियो । भारतबाट कम मूल्यमा तस्करी गरी मल ल्याएर स्थानीय किसानहरुबाट अत्यधिक चर्को मूल्यमा मल बेच्दै आएको बुझिएको छ ।

यता, प्रहरी नीरिक्षक राम कुमार यादवले नेपाल सरकारको मूल्य भन्दा बढी मूल्यमा बेचबिखन गरेको कुनै प्रमाण साबित भए कालोबजारीको मुद्दा समेत चलाउने जानकारी दिए । पक्राउ गरिएको अवैद्य मल छुटाउनको लागि स्थानीय नेताहरुको दबाब समेत आएको नीरिक्षक यादवले बताए । उनले भने, - "यस्ता नेताहरुको फोन समान्य हुन्छ, जहिले पनि सानोतिनो कुरामा चासो लिएर दबाब सिर्जना गर्दै रहन्छ । यो कुनै ठुलो कुरा होइनन् ।"