अब हामीबीच रहिनन् कञ्चन !

न्यूज ब्यूरो, सिरहा । विहिबार विहानै जिउँदै जलाइएकी सिरहाकी कञ्चन खत्वेको उपचारको क्रममा अस्पतालमै मृत्यू भएको छ ।

अनुहारसहित शरीरको अधिकांश भाग जलेर सिकिस्त भएकी सिरहा कल्याणपुर वडा नं. ८ की कञ्चनको मृत्यु भएको हो । काठमाडौंस्थित सुष्मा कोइराला मेमोरियल अस्पताल साँखुमा उपचारको क्रममा शुक्रबार (आज) ५ बजर २० मिनेटतिर उनको मृत्यु भएको काठमाडौंको साँखु प्रहरीलाई उदृत गर्दै सिरहाको ईलाका प्रहरी कार्यालय मिर्चैयाका डिएसपी सुखदेव खनालले जानकारी दिए ।

तत्कालै पुगेको ईलाका प्रहरी कार्यालय कल्याणपुरको टोलीले उद्वार गरी उपचारका लागि मिर्चैया पठाएको थियो । मिर्चैयामा उपचार हुन नसक्दा धरानस्थित घोपा क्याम्प पठाइएको थियो । घोपा क्याम्पमा पनि उपचार स्म्भव नभएपछि शुक्रबार उनलाई काठमाडौं लगिएको थियो ।

उनको उपचारकै क्रममा दिउँसो ज्यान गएको परिवारले जनाएको छ । घटनाबारे अनुसन्धान भइरहेको ईलाका प्रहरी कार्यालय मिर्चैयाका डिएसपी सुखदेव खनालले जानकारी दिए ।

यस घटना सम्बन्धी अन्य समाचारहरु

दानवताको पराकाष्ठा : सिरहामा एक महिलालाई मट्टीतेल छर्केर जलाइए, अवस्था गम्भीर !

मट्टितेल छर्केर जलाइएकी कञ्चनलाई प्रदेश सरकारको १ लाख, सहयोगको अपील !