• २०७६ श्रावण ४ गते, शनिबार
०२:१६ am

मट्टितेल छर्केर जलाइएकी कञ्चनलाई प्रदेश सरकारको १ लाख, सहयोगको अपील !

आगोले कञ्चनकी शरीरको ८० प्रतिशत भाग जलेको छ ।

न्यूज ब्यूरो, सिरहा । जिउँदै मट्टितेल छर्केर जलाइएकी सिरहाकी कञ्चन मण्डलको उपचारको लागि प्रदेश २ सरकारले १ लाख सहयोग गर्ने घोषणा गरेका छन् । 

 

आगोले शरीरकोे अधिकाँश भाग जलेर गम्भीर अवस्थामा रहेकी कञ्चनको उपचारमा कमी नहोस् भन्दै प्रदेश २ सरकारका आन्तरिक मामिला तथा कानूनमन्त्री ज्ञानेन्द्र कुमार यादवले तत्काल १ लाख रुपैयाँ दिने घोषणा गरेका हुन् । 

 

उनको उपचारको लागि प्रदेश सरकारले कुनै कसर बाँकी नराख्ने मन्त्री यादवले प्रतिवद्धता समेत व्यक्त गरेका छन् । अस्पतालको शैयामा जीवन र मृत्यूबीच जुधिरहेकी कञ्चनकी माईती पक्षको आर्थिक अवस्था एकदमै कमजोर रहेका कारण उनको उपचारको लागि बाहिरबाट थप सहयोगको आवश्यकता छ । 

 

उनको उपचार अहिले काठमाडौंमा भइरहेको छ । यसअघि घटनालगत्तै उनलाई धरान पठाइएको थियो । तर, त्यहाँ उपचार सम्भव नभएपछि कञ्चनलाई काठमाडौं रिफर गरिएको हो । 

 

सिरहाको कल्याणपुर नगरपालिका–८ अरङकी २१ वर्षीया कञ्चनदेवी मण्डल खत्वेलाई बिहीवार विहान करिब ११ बजेको समयमा घरायसी विवादका कारण उनका पति र सासुले जिउँदै जलाएर हत्याको प्रयास गरेका थिए ।


आगोले कञ्चनकी शरीरको ८० प्रतिशत भाग जलेको छ । प्रहरीले कञ्चनकी सासुलाई नियन्त्रणमा लिएको छ भने उनको पति फरार रहेको सिरहा प्रहरीले जनाएको छ । उनको खोजी कार्य भइरहेको सिरहाका प्रहरी उपरीक्षक जीवन श्रेष्ठले जनाए ।

 

घटना कसरी भएको हो भन्नेबारे अहिले यकिन हुन नसकेको र कञ्चनकी सासुलाई नियन्त्रणमा लिई थप अनुसन्धान थालेको श्रेष्ठले बताए ।

 

उनको उपचारको लागि सबैलाई सक्दो सहयोग गरिदिन अपील समेत गरिएको छ । 
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै समसामयिक र सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ । Email : [email protected] । उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस