• २०७६ मङ्सिर २९ गते, आइतबार

Loading...



ट्यांकर अपहरण प्रकरण : छानबिन गर्न सिरहा र सप्तरीका सबै पम्प बन्द

तेल वितरण रोकेर प्रहरीसहितको निगमको टोलीले सप्तरी र सिरहाका सबै पम्पमा अनुगमन थालेको छ ।

Loading...

न्यूज ब्यूरो, सिरहा । नेपाल आयल निगमको प्रदेश १ कार्यालय बिराटनगरले सिरहा र सप्तरीका सबै पम्पहरुमा तेल वितरण बन्द गरेको छ ।

 

आइतबार राति अपहरणमा परेको भनिएको ट्याङ्कर धनुषामा रित्तै भेटिएपछि त्यस क्षेत्रका पम्पहरुमा छानबिनका लागि तेल वितरण रोकिएको आयल निगम प्रदेश १ डिपो प्रमुख अशोक साहले बताए ।

 

तेल वितरण रोकेर प्रहरीसहितको निगमको टोलीले सप्तरी र सिरहाका सबै पम्पमा अनुगमन थालेको प्रमुख साहले बताए । थप अनुसन्धानका प्रक्रियाबारे सप्तरी जिल्ला प्रशासनमा छलफल भइरहरको पनि उनले जानकारी दिए ।

 

ट्याङ्करका चालक, सहचालक र मालिक पनि आफूहरुसँगै रहेको उनले बताए । साह ट्याङ्कर अपहरण प्रकरण छानबिन गर्न निगमले बनाएको छानबिन समितिका अध्यक्ष हुन् । 

 

ट्याङ्कर अपहरण प्रकरणमा भइरहेको अनुसन्धानमा सहयोग गर्न आयल निगमको केन्द्रीय कार्यालयबाट चार सदस्यीय टोली विराटनगर प्रस्थान गरेको छ । 


 



Loading...
त्रिनेत्र न्यूज नेटवर्क प्रा.लि. द्धारा सँचालित तराई-मधेशको No. 1 डिजिटल पत्रिका - "न्यूज ब्यूरो" | "सधैं ताजा, सबभन्दा तेज ।"
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...