• २०७६ मङ्सिर ५ गते, बिहीबार



जनकपुर : अरिंगालको टोकाइबाट एक जनाको मृत्यु, दुई गम्भिर  !

बेहोस भएर पानीबाट बाहिर निस्कन नसकिदा पानीमै मृत्यु भएको प्रहरीले जनाएको छ ।

न्यूज ब्यूरो, जनकपुरधाम ।  अरिँगालको टोकाईबाट धनुषामा एक जनाको मृत्यू भएको छ भने दुई जना गम्भिर घाईते भएको छ । 


धनुषाको शहिदनगर नगरपालिका वडा नं ४ महुलिया ननुपट्टीको सडक खण्डमा पर्ने सिंग्याही फुल नजिक घाँस काट्न गएका ६० वर्षीय वृद्धको अरिंगालको टोकाइबाट मृत्यु भएको छ भने दुई जना घाइते भएको ईलाका प्रहरी कार्यलय यदुकूहाका प्रहरी निरीक्षक दिपक बाबू केसीले जानकारी दिएका छन् ।


मृत्यु हुनेमा शहिदनगर नगरपालिका वडा नं. ५ मा बस्ने ५५ वर्षीय  दियाली मुखिया रहेको छन् भने घाइते हुनेमा सोही गाउँका अन्दाजी ३५ वर्षीय राम सागर कापर र अन्य एक जना महिला रहेकी छिन् । उनीहरूको उपचारको लागि जनकपुर अञ्चल अस्पतालमा पठाएको प्रहरीले जनाएको छ ।


बुधबार (आज) साझ करिब ५ बजेको समयमा घरबाट घाँस काट्न भनि गएका घाँस काटिरहेको नजिक रहेको बासको झ्याङ्गोमा रहेको १०–१२ वटा अरिंगालले शरीरको विभिन्न भागमा टोक्दा उनी छट्पटटीदै मुख्य सडकको छेउमा रहेको पानीमा पसेका थिए । बेहोस भएर पानीबाट बाहिर निस्कन नसकिदा पानीमै मृत्यु भएको प्रहरीले जनाएको छ ।  उनी गाउँ घरमा घुमफिर गरि बरफ (आईसक्रिम) बेच्दै आएका थिए भने उनको ३ छोरी र २ छोरा रहेको स्थानीयवासीहरुले जनाएको छ । 


शवलाई पोष्टमार्टमको लागि जनकपुर अंचल अस्पताल पठाएको छ ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...