• २०७६ मङ्सिर ५ गते, बिहीबार



नेपाली सेनाले जोगाए दुधे बालकको ज्यान

जनकपुरधाममा बेला बेलामा रगतको अभाव हुने गरेको रेडक्रसले समेत जनाएको छ ।

न्यूज ब्यूरो, जनकपुरधाम । रगतको अभावमा मृत्युको संघारमा पुगेका ७ दिनको एक बालकलाई नेपाली सेनाले रगत दिएर ज्यान जोगाएका छन ।

 

जनकपुर बाल अस्पतालमा रहेको ७ दिनको एक बालकलाई नेपाली सेना श्री श्रीनाथ गणका २ जना जवानले रगत दिएर ज्यान जोगाएका छन । महोतरीको जलेश्वर नगरपालिका ११ स्थित पिगौना बस्ने निलम रामले स्थानिय जनकपुर बाल अस्पतालमा छोरालाई जन्म दिएका छन तर जन्मिनै बितिकै सो बालकलाई निमोनिया र जन्डीस भएका कारण बालकको अवस्था नाजुक रहेको अस्पतालका चिकित्सक डा. जामुन सिँहले बताएका छन ।


सो बालकलाई प्रदेश नं. २ का प्रदेश प्रमुखको सुरक्षामा खटिएका सो नेपाली सेनाका जवान अनिल मगर र महेन्द्र सिंह ऐरले रगत दिएर ज्यान जोगाएका हुन । मगरले ए पोजेटिभ र ऐरले ओ पोजेटिभ रगत दिएर बालकको ज्यान जोगाएका हुन । सो बालकलाई दुवै ग्रुपको रगत आवश्यक रहेकोले एकै साथ दिईएको जनाईएको छ ।


अहिले बालकको अवस्था खतरामुक्त रहेको अस्पताल श्रोतले जनाएको छ । जनकपुरधाममा बेला बेलामा रगतको अभाव हुने गरेको रेडक्रसले समेत जनाएको छ ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...