• २०७६ कार्तिक ७ गते, बिहीबार



धनुषाधाम नगरपालिकामा चाँडपर्वको शुभकामना साटासाट

शुभकामना आदानप्रदान कार्यक्रममा हरेक वडाका वडाध्यक्ष, कर्मचारी एकअर्कामा शुभकामना साटासाट गरे ।

न्यूज ब्यूरो, धनुषा । धनुषाको धनुषाधाम नगरपालिकामा वडादशैं, दिपावली तथा छठ पर्वको उपलक्ष्यमा शुभकामना अदानप्रदान कार्यक्रम गरिएको छ ।

 

हिन्दुहरुको महान पर्वको अवसरमा नगपालिकाले विशेष कार्यक्रमको आयोजन गरी शुभकामना आदानप्रदान कार्यक्रम गरेको हो । नगरप्रमुख बालेश्वर मण्डल र उपमेयर विद्यादेवि भुजेलले अविर लगाई जनप्रतिनिधि एवं कर्मचारी सबैसँग शुभकामना साटेका छन् ।


  
नगरपालिकाको सभाहलमा भएको शुभकामना आदानप्रदान कार्यक्रममा हरेक वडाका वडाध्यक्ष, कर्मचारी एकअर्कामा शुभकामना साटासाट गरे । कार्यक्रममा नगरका जनप्रतिनिधि र कर्मचारीसहित ईलाका प्रहरी धनुषाधाम प्रहरी निरीक्षक सुमन थापा, सशस्त्र प्रहरी वेश क्यामप सर्साका प्रहरी निरीक्षक हरिबहादुर शाही, पशु सेवा अधिकृत विशुनदेव यादव र कृषि शाखा अधिकृत किशोर मण्डल लगायतका सरिक भए ।

 

कार्यक्रम संचालन स्वास्थ्य संयोजक शैलेन्द्र यादवले गरेका थिए । 
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...