• २०७६ कार्तिक ७ गते, बिहीबार



पाकिस्तान प्रशासित कश्मीरमा ठूलो भूकम्प !

भूकम्पका कारण सडक तथा भवनहरुमा नराम्रोसँग क्षति भएको छ । यसको थप विवरण आउन बाँकी छ ।

न्यूज ब्यूरो, एजेन्सी । पाकिस्तान प्रशासित कश्मीरको मिरपुर केन्द्रविन्दु भएर ठूलो भूकम्प गएको छ ।  

 

मिरपुर केन्द्रविन्दु भएर दिउँसो ४ बजेर ३२ मिनेटमा ५.८ म्याग्निच्यूडको भूकम्प गएको पाकिस्तानी संचारमाध्यमले जनाएको हो । भूकम्पमा परि ५० जनाभन्दा बढी घाइते भएको पाकिस्तानी सञ्चारमाध्यमहरुले जनाएका छन् ।

 

भूकम्पका कारण सडक तथा भवनहरुमा नराम्रोसँग क्षति भएको छ । मिरपुर क्षेत्रको पक्की सडकहरु चिरा परेका छन् । सडकमा चलिरहेका गाडीहरु पल्टिएका छन् । १० किलोमिटर तल केन्द्रविन्दु भएर गएको भूकम्पको धक्का केन्द्रविन्दुबाट १ सय ४० किलोमिटर परसम्म महसुस गरिएको थियो । 

 

त्यस्तै भूकम्पको धक्का इस्लामाबाद, लाहोरलगायतका शहरमा समेत महसुस भएको थियो । भूकम्पको धक्का भारत प्रशासित कश्मीर, हिमाञ्चल, चण्डीगढ र दिल्लीमा समेत महसुस भएको थियो । यसको थप विवरण आउन बाँकी छ ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...