भारतमा पनि नेपाली संविधानको विरोध, कालो दिन मनाइयो !

न्यूज ब्यूरो, भारत । भारतको नयाँ दिल्लीमा मधेशी मूलका नेपाली विद्यार्थीहरुले संविधान दिवसको दिन विरोधसभा गरेको छ । 

 

भारतमा रहेका मधेशी मूलका नेपाली विद्यार्थीहरुले संविधान दिवसलाई ‘कालो दिन’को संज्ञा दिँदै विरोध जनाएका हुन् । उनीहरुले कालो ब्यानरमा ‘असोज ३, कालो दिन’ को नारा लेखेका थिए ।

 

संविधान विभेद्कारी भएको भन्दै विभिन्न नारा लेखिएका प्लेकार्ड समेत प्रदर्शन गरिएको थियो । विरोध कार्यक्रममा राष्ट्रिय विद्यार्थी संघ भारतका विद्यार्थीहरुको सक्रिय सहभागिता थियो ।

 

दिल्लीमा अध्ययनरत विद्यार्थीसहित राष्ट्रिय जनता पार्टीका नेताहरु समेत विरोधसभामा आइपुगेका थिए । कार्यक्रममा नेपालबाटै राजपाका केन्द्रीय सदस्य र जिल्ला सदस्यहरु समेत सहभागी थिए ।