• २०७६ कार्तिक ७ गते, बिहीबार



मधेशलाई अलगै देश पनि बनाउन सक्छौं : महन्थ ठाकुर

अधिकार खोसिएको भन्दै अहिलेको संविधानलाई मधेशले नमान्ने र यस्तै रहे मधेशलाई अलग देश पनि बनाउन सक्ने चेतावनी दिए ।

न्यूज ब्यूरो, जनकपुरधाम । राष्ट्रिय जनता पार्टी (राजपा) नेपालका नेता महन्थ ठाकुरले संविधान संशोधनको मुद्दा अझ सम्बोधन नभए मधेश अलगै देश हुनसक्ने चेतावनी दिएका छन् ।

 

जनकपुरधाममा शुक्रवार आयोजित संविधान विरुद्धको एक कार्यक्रममा नेता ठाकुरले सरकार मधेशको मुद्दाप्रति अब पनि गम्भीर नभए मधेश अलगै देश हुनसक्ने बताएका हुन् । उनले मधेशी, थारु, आदिवासी जनजातिका अधिकार खोसिएको भन्दै अहिलेको संविधानलाई मधेशले नमान्ने र यस्तै रहे मधेशलाई अलग देश पनि बनाउन सक्ने चेतावनी दिए ।

 

मधेशको हक अधिकारका लागि राज्यले बेवास्ता गर्दै आएकाले सरकारलाई सचेत र गम्भिर हुन आग्रह पनि उनले गरे । नेपालको संविधान २०७२ मा जनताको अवधारणाः राष्ट्रिय बहस र मन्थन विषयक कार्यक्रममा सम्बोधन गर्दै २ नम्बर प्रदेशका मुख्यमन्त्री लालबाबू राउतले वर्तमान संविधान मधेशी, उत्पीडित, दलित, महिला, मुस्लिम लगायतलाई समावेश नगरेकाले सर्वस्वीकार्य नरहेको बताए ।

 

मुख्यमन्त्री राउतले सर्वस्वीकृत संविधान बनाउन हरेक वर्गको भावना समेट्दै संविधान संशोधन गर्नुपर्ने आवश्यक्ता रहेको भन्दै समयमै संशोधन नगरे केन्द्र सरकारले ठुलै मूल्य चुकाउनुपर्ने चेतावनी दिए । आज असोज ३ गते संविधानको दिवसको दिन मधेशमा विगत झैँ कालो दिनको रुपमा मनाइँदैछ ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...