• २०७६ कार्तिक ७ गते, बिहीबार



संविधानको चार वर्ष : मधेशलाई गुमराहमा मात्र राखियो

अधिकांश दल मधेशमा संविधान संशोधनको आश्वासन दिएर भोट असुले पनि यसको हालसम्म कुनै उपलब्धि नदेखिएपछि मधेशी जनता निराश बनेका छन् ।

न्यूज ब्यूरो, जनकपुरधाम । संविधानसभाबाट संविधान जारी भएको आज चार वर्ष पूरा भयो । मधेशमा संविधानप्रतिको असन्तुष्टि कायमै छ ।

 

जनजातिलगायत पहिचान पक्षधर पनि असन्तुष्टै छन् । संविधान संशोधनको आशले निर्वाचनमा भाग लिएका मधेशकेन्द्रित दल यही मुद्दा लिएर हिँडिरहेका छन् । उपेन्द्र यादव नेतृत्वको समाजवादी पार्टी संविधान संशोधन गर्ने सर्तमा सरकारमा सहभागी भएको थियो । 

 

राजपाले यही मुद्दालाई अघि सार्दै सरकारलाई समर्थन गरेको थियो । माग पूरा नहुने देखेपछि राजपाले समर्थन फिर्ता लिएको थियो । तर, सरकार गठनको एक वर्ष सात महिना बित्दा पनि यी दुई दलको माग पूरा भएको छैन । केपी ओली नेतृत्वको सरकार संविधान संशोधन गर्न उदासीन देखिएको छ ।

 

मधेश केन्द्रीत दलमात्र नभएर अधिकांश दल मधेशमा संविधान संशोधनको आश्वासन दिएर भोट असुले पनि यसको हालसम्म कुनै उपलब्धि नदेखिएपछि मधेशी जनता निराश बनेका छन् ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...