• २०७६ भदौ ३० गते, सोमबार

संविधान दिवस गौरवका साथ मनाउँछौं : निधि

मधेशमा संविधान दिवसको दिन ब्ल्याक आउट गर्ने तयारी भइरहेका बेला उपसभापति निधिले नेपाली काँग्रेसले गौरवका साथ संविधान दिवस मनाउने बताएका हुन् ।

न्यूज ब्यूरो, जनकपुरधाम । नेपाली काँग्रेसका उपसभापति बिमलेन्द्र निधिले आगामी असोज ३ गते हुने संविधान दिवसलाई गौरवका रूपमा मनाउने बताएका छन् । 

 

मधेशमा संविधान दिवसको दिन ब्ल्याक आउट गर्ने तयारी भइरहेका बेला उपसभापति निधिले नेपाली काँग्रेसले गौरवका साथ संविधान दिवस मनाउने बताएका हुन् । निधिले संविधान दिवस मनाउने र मधेशका मागका सन्दर्भमा संविधान संशोधनको पक्षमा वकालत गरिरहेको बताए ।

 

राष्ट्रिय जागरण अभियानअन्तर्गत् दोस्रो चरणको कार्यक्रमको मंगलबार जनकपुरधाममा शुभारम्भ गर्दै उनले प्रदेश २ को नाम मिथिला–भोजपुरा हुनुपर्नेसमेत बताएका छन् ।

 

अन्तरघात र गुटको मनोविज्ञान काँग्रेसको पराजयको कारण भएको बताउँदै उनले काँग्रेस– काँग्रेसबीच सम्पर्क, संवाद र सक्रियता, वैचारिक स्पष्टता, व्यक्तिभन्दा नीति र सिद्धान्तलाई प्राथमिकताको आवश्यकता औल्याए ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...